Anatomia ya Moyo

Ni ogani ambayo inatumika katika kusukuma damu kwenda sehemu mbalimbali za mwili . Moyo husukuma damu kwenda maeneo mbalimbali ya mwili kwa kutumia mtandao wa mishipa mbalimbali ya damu inayoitwa ateri na Veini. Kwenye picha zilizo kwenye makal hii hapo juu, arteri zimewekwakwa rangi nyekundu na veini kwa rangi ya bluu, isipokuwa mishipa ya inayopeleka damu na kuchukua kwenye mapafu, arteri huwa na rangi ya blue na vein huw ana rangi nyekundu

Vyumba vya moyo

Moyo umegawanyika katika vyumba vikuu vinne ambavyo viwili vipo juu na viwili vipo chini, vyumba hivi vya juu na chini huwa na mawasiliano, damu hutoka kwenye vyumba vya juu kwenda vyumba vya chini. Angalia kwenye picha kwa uelewa zaidi.

Vyumba vya juu huitwa atrium ambavyo vipo viwili upande wa kushoto na kulia

Vyumba vya chini huitwa ventriko ambavyo vipo viwili upande wa kushoto na kulia

Atriamu na ventriko

Atrium ya kulia: Chumba hiki hupokea damu ambayo haina oksijeni ambayo inatoka kwenye vein kubwa ambazo ni Vena kava ya juu na chini na husukuma damu kupitia valvu ya tricuspid kwenda ventriko ya kulia

Atrium ya kushoto: Chumba hiki hupokea damu yenye oksijeni kutoka kwenye mapafu na kuisukuma kupitia valvu ya maitro kwenda kwenye ventriko ya kushoto

Ventriko ya kulia: Chumba hiki husukuma damu kupitia valvu ya palmonari kwenda kwenye mapafu kwa ajili ya kupata oksijeni

Ventriko ya kushoto: Chumba hiki hupokea damu yenye oksijeni kupitia valvu ya aortiki kwenda kwenye aorta ambapo husukumwa kwenda sehemu mbalimbali za mwili.

Valvu za moyo

Hizi hufanya kazi za kutenganisha atria na ventriko pamoja na mishipa mingine mikubwa ya damu

Valvu zipo kwenye makundi makuu mawili ambayo ni;

• Atrioventrikula Valvu

• Semiluna Valvu

Atrioventrikula valvu

Hizi valvu huzuia damu isirudi kutoka kwenye ventriko kwenda kwenye atrium. Atrioventrikula Valvu ina valvu aina mbili za valvu kama ambazo ni;

Valvu ya Trikaspidi: Ni valvu iliyopo kati ya vyumba vya kulia vya atrium na ventriko

Valvu ya Bikaspid: Ni valvu iliyopo kati ya vyumba vya kushoto vya atrium na ventriko

Semiluna Valvu

Hizi valvu huzuia damu isirudi kutoka kwenye mishipa mikubwa ya moyo ya damu kurudi kwenda kwenye ventriko. Kuna aina mbili ya valvu za semiluna ambazo ni;

Valvu ya pulmonari semiluna: Ni valvu iliyopo kati ya chumba cha Ventriko na njia ya kuelekea kwenye mapafu

Valvu ya aortiki semiluna: Ni valvu iliyopo kati ya chumba cha kushoto cha ventriko na njia ya kuelekea kwenye aorta