Anatomia ya Sikio

Ni ogani muhimu mwilini yenye kaziya kufanya mtu asikie sauti na piakufanya mtu awe wima (asiyumbe) wakatiwa kutembea.

Sehemu ya sikio

Sikio limegawanyika katika sehemu kuu tatu ambazo ni :

• Sikio la nje

• Sikio la kati

• Sikio la ndani

Sikio la nje

Sikio la nje limegawanyika katika sehemu kuu zifuatazo ;

Pina/auriko

Hii ni sehemu ya nje ambayo hutumika kukusanya sauti kwa ajili ya kusafirishwa kwenda sikio la kati. Sehemu hii watu wengi hutoboa na kuweka vidani na herein.

Mfereji wa sikio la nje

Mrija huu hutumika kusafirisha mawimbi ya sauti yaliyokusanywa na pina na kuyapeleka kwenye ngoma ya sikio

Sikio la kati

Sikio la kati limegawanyika katika sehemu kuu zifuatazo :

Ngoma ya sikio

Ni ukuta mwembamba wenye umbo la duara ambao hutenganisha sikio la nje na la ndani. Kazi yake hutumika kukuza sauti baada ya kupokea kutoka sikio la nje.

Osiko

hujumuisha mifupa midogo mitatu ambayo hutumika kusafirisha sauti kwenda sikio la ndani. Mifupa hii muhimu ni Malleus, Incus na stapes, licha ya kuwa na kazi ya kusafirisha sauti, hufanya kazi ya kukuza mawimbi ya sauti kutoka kwenye ngoma ya sikio na kuyapeleka kwenye sikio la ndani

Mrija wa Eustachian

Mrija huu hutumika kuunganisha sikio la ndani na sehumu ya nyuma ya pua ,Mrija huu hutumika kusawazisha shinikizo ndani ya sikio la kati na kusafirisha vyema mawimbi ya sauti ,sehemu hii imezungukwa na ute ute kama ilivyo kwenye koromeo na pua

Sikio la ndani

Sehemu hii imegawanyika katika sehemu kuu zifuatazo;

• Koklea

• Vestibula

• Mifereji ya semisakula

Koklea

Ni mfupa wenye uwazi katikati na umbo la mduara na neva nyingi ambao hufanya kazi kubwa katika kusikia.

Vestibula

Hufanya kazi kubwa ya kuweka mwili wima wakati wa kutembea. Husababisha usiyumbeyumbe kama mlevi wakati wa kutembea.

Mifereji ya Semisakula

Ni mifupa yeney mirija kwa ndani yenye maji ambayo yana risepta za kutambua pozi la mwili wakati wa kutembea.