Urethraitiz

Urethritiz hutokana na michomo kwenye mrija wa urethra kama matokeo ya shambulio la kinga ya mwili kwenye vimelea wa maradhi walio kwenye mrija huo haswa wale wanaosababisha magonjwa ya zinaa.

Dalili zake ni;

• Kutokwa na uchafu mwembamba na msafi kama kamasi au

• Kutokwa na uchafu mzito kama usaha

Dalili zignine ni

• Kusita kukojoa

• Kushindwa kuzuia mkojo

• Kukojoa mara kwa mara

• Maumivu wakati wa kukojoa

• Muwasho kwenye tundu la mkojo

• Hisia za kuungua kwenye tundu la mkojo

Kisababishi kikuu cha urethraitiz ni maambukizi ya magonjwa ya zinaa kwenye mrija urethra. Bakteria hao ni kama vile;

• Chlamydia trachomatis

• Neisseria gonorrhoeae

Vimelea weingine wanaoweza kuchangia lakini kwa asilimia chache ni;

• Mycoplasma genitalium

• Trichomonas vaginalis

• Herpes Simplex virus

• Treponema pallidum

• Neisseria meningitides

• Ureaplasma urealyticum

• Ureaplasma parvum

• Candida species

Visababishi

Kuna visababishi vingine ambavyo havihusiani na maambukizi pia vinaweza kupelekea tatizo la urethraitiz kama vile;

Uharibifu kwenye njia ya mkojo kutokana na kuwekewa mpira au kifaa tiba kwenye njia ya mkojo au sababu zingine

Uchokozi kwenye njia ya mkojo kutokana na

• Kuingiziwa mpira wa mkojo na kukaa muda mrefu

• Msuguano kwenye njia ya mkojo kutokana na kuvaa nguo za kubana au shinikizo wakati wa kujamiana

• Kufanya kazi za kuongeza shinikizo kwenye njia ya mkojo kama vile kuendesha baiskeli

• Matumizi ya sabuni, poda na viuaji manii vyenye uchokozi kwenye ngozi na mrija wa mkojo

• Kuingia koma hedhi na kutokuwa na kiwango cha estrogen ya kutosha ( kwa wazee)