Dalili za Gono(kisonono)

Kisonono husababishwa na Bacteria aitwaye Neisseria gonorrhoeae. Pia ugonjwa huu huweza kuambukiza kutoka kwa mama kwenda kwa mototo mchanga pale anajifungua.

Bacteria huyu hushambulia sana kwenye njia ya mkojo na via vya uzazi kwa mwanaume na mwanamke na ukuta wa macho uitwao konjaktiva. Gono huweza kusababisha matatizo ya uzazi (utasa) kwa mgonjwa endapo asipopata matibabu mapema.

Dalili za gono

Dalili za Gono huanza kuonekana kati ya siku 2 mpka 10 baada ya maambukizi, pia kwa wanaume hua inahusiana na kwenye mrija unaotoa mkojo(njia ya mkojo)

Dalili za gono kwa wanaume

• Dalili za mwanzo ni muwasho katika tundu la njia ya mkojo

• Maumivu ya kuungua njia ya mkojo wakati wa kukojoa

• Kutokwa na usaha kwenye njia ya mkojo

• Kushindwa kabisa kupitisha mkojo

• Kupitisha mkojo kwa shida ambapo itakua inazid kadri siku zinavyoenda

• Kuonekana kwa damu kwenye mkojo

Dalili za gono kwa wanawake

Zaidi ya asilimia 50 mpaka 80 ya wanawake walioambukizwa ugonjwa huu huwa hawaonyeshi dalili zozote zile, hivyo ni vigumu kutambulika mapema.

Dalili zifuatazo huonekana kama matokeo ya Gono

• Kutoka ute, Uasaha au maji machafu yenye harufu kali ukeni

• Maumivu wakati wa tendo la ndoa

Madhara ya gono kwa wanaume

Kuharibika kwa njia ya kupitisha mkojo na shahawa hivyo uwezekano wa kushindwa kupata mtoto.

Madhara ya gono kwa Wanawake

• Maambukizi kwenye via vya Uzazi

• Mimba kutunga nje ya mfuko wa uzazi

• Maambukizi kwenye mirirja ya Mayai

• Kuharibika kwa Mimba

• Kushindwa kupata watoto

Namna ya kujikinga na ugonjwa wa gono

Jikinge Gono kwa kufanya mambo yafuatavyo;

• Kutokufanya ngono zembe

• Epuka mahusiano ya mpenzi zaidi ya mmoja

• Fahamu na fanya Matumizi sahihi ya kondomu

• Unapopata dalili za Gono wahi ukapimwe ili ugonjwa ugunduliwe na kutibiwa mapema bila kuleta

• madhara.

• Endapo umetambulika kuwa una gono, hakikisha wapenzi wako wote wanatibiwa kwa kuwa wasipotibiwa watakuambukiza tena

• Penda kujisomea kuhusu magonjwa ya zinaa ili kupata elimu zaidi na zaidi