Dalili za Taifodi

Mtu anapata maambukizi ya homa ya matumbo (typhoid fever) kwa kula chakula au kunywa maji yaliyo na viini wa vimelea vya bakteria. Vimelea wa taifodi hupatikana kwenye kinyesi na mkojo wa mtu.

Kula vyakula ambavyo vimeandaliwa pasipo usafi, au chakula kilichoandaliwa na mtu mwenye maambukizi, kutumia mayai mabichi au ambayo hayajaiva vema, na chakula ambacho hakijapikwa na kuiva hukuweka kwenye kihatarishi cha kupata maambukizi haya. Tafiti zinaonyesha kwamba bakteria huyu huweza kujificha kwenye kwenye Ini la binadamu na mayai ya kuku, hivyo maambukizi yanaweza kutokea kwa kula mayai au maini ambayo hayajapikwa vema.

Mgonjwa wa homa ya Matumbo anaweza asiwe na dalili lakini akaweza kuwaambukiza wengine.

Mgonjwa wa Taifodi huchukua siku 10 mpaka 14 kuonyesha dalili za taifodi, hata hivyo muda wa kuonyesha dalili toka maambukizi yametokea hutegemea dose (wingi) ya wadudu wa taifodi alionao. Dalili za taifodi huanza taratibu mfano Homa kutoka jasho muda na muda, maumivu ya tumbo, kuharisha kidogo kidogo japo muda na muda mwingine huambatana na damu kidogo.

Dalili za Taifodi (homa ya matumbo)

Dalili za mwanzo kabisa ni kama maumivu ya kichwa, kukosa hamu kula, kichefuchefu, maumivu ya mwili na uchovu.

Pamoja na hivyo Mgonjwa asipotibiwa mapema, dalili zingine huweza kutokea kutokana na taifodi kuwa sugu.

Dalili za taifodi katika wiki ya kwanza

• Maumivu ya kichwaa

• Uchovu wa Mwili

• Homa za kupanda na kushuka

• Kukosa choo

• Kikohozi kwa mbali

Dalili za taifodi katika wiki ya pili

• Homa kuzidi kupanda na kupelekea moyo kwenda taratibu

• Kuharisha

• Tumbo kuvimba na maumivu kwenye Bandama

Dalili za taifodi katika wiki ya tatu

• Kuzidi Kuharisha kinyesi cha njano

• Kushuka kwa Homa

• Kuchanganiyikiwa (Kama mtu mwenye kichaa)

• Kuvimba kwa tumbo au

• Kutoboka kwa utumbo mwembamba

Katika hatua hii ya tatu kifo huweza kutokea kutokana na madhara yaliyoorodheshwa.

Madhara ya taifodi

Yafuatayo ni madhara/matokeo ya kiafya yatokanayo na taifodi(homa ya matumbo) kama isipo tibiwa

• Kutoboka kwa utumbo

• Kuvuja damu

• Homa ya uti wa mgongo

• Maambukizi ya kifuko cha nyongo

Muhimu

Taifodi hutibika kama magonjwa mengine hivyo unashauriwa kudumisha usafi wa mazingira, na umakini wakati wa kuandaa vyakula.