Jicho jekundu

Jicho jekundu (Macho mekundu) ni hali ambayo sehemu ya jicho iliyo na rangi nyeupe (konjunctiva) huonekana kuwa na rangi nyekundu. Hali ya wekundu hutokea kutokana na kutanuka kwa mishipa ya damu, kutanuka huku husababishwa na hali na maambukizi mbalimbali.

Jicho jekundu linaweza kuambatana na maumivu au la. Endapo litaambatana na maumivu ni vema kumuona daktari kwa vipimo na uchunguzi. Hata hivyo jicho jekundu huweza kuathiri jicho moja au yote na mara nyingi hutokea kama mtu amekaa kwenye mwanga mdogo ,kukosa usingizi wa kutosha na matumizi ya pombe kupita kiasi.

Visababishi

Magonywa na hali

• Ugonjwa wa konjanktivaitizi

• Trakoma

• Jeraha kwenye kornea

• Glaukoma

• Yuveitizi (Kuvimba kwa kuta za macho)

• Pterigiamu (uvimbe ambao huanza kwenye seli za ndani ya jicho na huja kwenye kornea )

• Mzio

Mazingira

• Mzio kutoka kwenye hewachafu

• Uchafuzi wa hali ya hewa

• Moshi

• Hewa kavu

• Vumbi

• Kupita mazingira ya kemikali

• Kukaa kwenye jua sana

Kama sababu ya kuwa na macho mekundu ni kutokana na sababu hizo zilizotajwa hapo juu, unapaswa kujikinga na sababu zinazokingika.

Dalili za jicho jekundu

Dalili za mtu mwenye jicho jekundu ni pamoja na;

• Jicho moja au yote kuwa na rangi nyekundu

• Huweza kutoa machozi

• Huweza kuwa jicho kavu lisilotoa machozi

• Maumivu ya kichwa

• Muwasho wa jicho

• Kuhisi hali ya mchanga kwenye macho

• Maumivu ya macho

• Kutokuona vizuri

Vipimo

Kama kuna uchafu wowote unatoka kwenye jicho mfano usaha na maji yanayotoka yanapaswa kupelekwa maabara kwa ajili ya kupimwa.

Matibabu

• Kama unatokwa na usaha unapaswa kupata dawa za antibayotiki

• Kama ni mzio daktari wako atakupa dawa za kuzuia mzio

Kumbuka

Kila sababu inayosababisha macho kuwa mekundu inapaswa kutibiwa yenyewe kwa kujitegemea.

Dalili hii ya jicho jekundu endapo haitatibiwa mapema endapo inasababishwa na sababu ya hatari inaweza kupelekea mtu kupoteza uwezo wa kuona.