Dalili za Saratani ya mapafu

Saratani ya mapafu Ni ugonjwa unaohusishwa na ukuaji wa seli bila mpangilio katika tishu za mapafu. Seli hizi za saratani zinaweza kuenea kwa njia inayoitwa metastaisi kwenda kwenye tishu zilizokaribu na seli hizi za saratani au mbali Zaidi na seli hizo

Mapafu ni ogani ya mwilini yenye kazi kubwa ya kuingiza hewa safi ya okseji mwilini na kutoa hewa ya chafu ya kaboni dayoksaidi nje ya mwili.katika mfumo wa upuaji mapafu ni ogani kubwa Zaidi kulinganisha na ogani zingine mwilini. Mapafu yanapatikana ndani ya kifua chini ya uvungu wa mbavu na huwa yamekaa katika pande mbili kushoto na kulia huku moyo ukiwa umekaa katikati ya mapafu hayo.

Pafu la kulia lina sehemu 3 na Pafu la kushoto lina sehemu 2. Kila sehemu inajitegemea bila kuhusiana na nyinginezo. Hivyo upasuaji unaweza kufanyika kutoa sehemu moja ya pafu bila kuathiri kwa kiasi kikubwa upumuaji wa mtu.

Visababishi

Visababishi vya Saratani ya mapafu

• Uvutaji wa sigara—hiki ni kisababishi kikuu cha saratani ya mapafu katika asilimia 90%

• Uchafuzi wa hewa uliokithiri, mfano unaosababishwa na moshi kutoka viwandani

• Mionzi

• Gesi yenye sumu mfano gesi ya methyl ether

• Madini ya Uranium

Dalili za Saratani ya mapafu

• Kukohoa mara kwa mara

• Kukohoa damu

• Maumivu ya kifua wakati wa kupumua ama kukohoa

• Kuishiwa na pumzi ama matatizo ya upumuaji

• Kupoteza uzito bila sababu ya msingi

• Homa za mara kwa mara

• Maambukizi ya mara kwa mara kwenye mapafu mfano nimonia

• Kukosa hamu ya kula

• Sauti kutoka na mikraruzo

• Kelele kwenye kifua wakati wa kuvuta na kutoa hewa kutokana na njia za mapafu kuzibwa na saratani

Dalili na Ishara ya Saratani ya mapafu iliyosambaa

• Maumivu ya mifupa kwenye mbavu, mgongo na nyonga- Inaashiria saratani imesambaa kwenye uti wa

• mgongo na nyonga

• Kuvimba kwa Uso na Shingo- saratani imesambaa kichwani

• Mabadiliko katika mfumo wa fahamu ikiwa ni pamoja na kizunguzungu, maumivu ya kichwa, kupoteza

• fahamu, ganzi katika mikono na miguu- saratani kusambaa kwenye mfumo wa fahamu wa kati na pembeni

• Rangi ya manjano katika macho na ngozi - saratani imesambaa katika Ini