Kubeua

Kubeua ni njia ya mwili kuondoa hewa iliyozidi kwenye mfumo wa juu wa umeng’enyaji wa chakula ambayo mara nyingi humezwa wakati wa kula au kunywa. Hewa hii kwa mara chache huweza kuingia tumboni lakini mara nyingi hujikusanya kwenye umio.

Visababishi vya kumeza hewa

Mtu anaweweza meza hewa ya ziada na kufanya abeue kwa kufanya mambo yafuatayo:

• Kula kwa haraka

• Kunywa kwa haraka

• Kutafuna bablishi

• Kumumusa pipi

• Kuvuta sigara

• Kuvuta kitu kingine

• Kunywa vinywaji vilivyotiwa kaboni kama soda

Baadhi ya watu humeza hewa bila hata kuwa wanakula au kunywa kama njia ya kuepuka woga.

Vihatarishi

Baadhi ya vihatarishi vya kubeua ni kama vifuatavyo;

• Kuwa na ugonjwa wa kucheua tindikali

• Maambukizi ya Helicobacter pylori anayesababisha vidonda vya tumbo

Dalili zingine

Kubeua kunaweza kuambatana na dalili zingine kama vile

• Kiungulia

• Maumivu ya tumbo

Namna ya kupunguza kubeua

Kufanya mambo yafuatayo yanaweza kupunguza kumeza hewa na kubeua:

Kula au kunywa taratibu.

Kula taratibu kunaweza kufanya upunguza kiwango cha hewa unachomeza. Kuepuka kula wakati una haraka au msongo hupunguza kiwango cha hewa kinachoingia kwenye tumbo.

Epuka kunywa vinjwaji vilivyotiwa kaboni na bia

Vinywaji hivi huzalisha hewa ya ukaboni ambayo husababisha kubeua

Acha kutafuna bablishi au kumumunya pipi

Ulaji wa pipi au bablishi hufanya umeze hewa nyingi wakati w akutafuna au kumumunya, kuacha kufanya hivyo hupunguza kiwango cha hewa kinachoingia tumboni.

Acha kuvuta sigara

Hewa nyingi ikiwa Pamoja na hewa moshi ya sigara huingia tumboni wakati wa kuvuta sigara.

Jitibu magonjwa ya meno

Kama meno ni dhaifu na yamelegea huongeza hatari ya kumeza hewa ya ziada wakati wa kunywa au kutafuna.

Tembea baada ya kula

Kutembea hufanya misuli ya matumbo ya ndani nan je kujongea na hivyo kusaidia kutoa gesi tumboni baada ya kula.

Tibu kiungulia

Kutuliza kiungulia, unaweza kutumia dawa zadukani za kuzuia uzalishaji wa tindikali kwa muda. 

Tibu kucheua tindikali

Kama una ugonjwa wa kucheua tindikali unaweza kutumia dawa za kuzuia uzalishaji wa tindikali kwa muda, wakati unafnaya mpango wa kuonana na daktari kwa matibabu ya Zaidi.