Leba halisi

Leba ni tendo la kifiziolojia ambalo linalomtoa mtoto pamoja na kondo la nyuma kutoka kwenye mfuko wa uzazi.

Leba halisi (uchungu halisi au uchungu wa uzazi) ni maumivu yasiyokoma yanayoongezeka kwa idadi na ukali na huambatana na maumivu ya nyuma chini ya mgongo, kubana kwa misuli ya mfuko wa uzazi na kufunguka kwa njia ya mlango wa uzazi.

Dalili za leba halisi (uchungu wa uzazi)

• Maumivu ya kizazi yasiyokoma - Maumivu haya hayaishi kwa mazoezi mfano Kutembea.

• Kubana kwa misuli ya uzazi kunakoongezeka makali jinsi muda unavyoenda.

• Muda wa kukaza kwa uzazi huongezeka taratibu kwa idadi na makali.

• Kiasi na muda wa kukaza na maumivu ya uzazi huongezeka kwa kasi

• Huambatana na damu inayotoka ukeni iliyochanganyika na maji

• Kupasuka kwa chupa ya uzazi( Mwanamke hutokwa na maji mengi ukeni yanayolowanisha chupi au kufika miguuni)

• Kuanza kufunguka kwa mlango wa uzazi(seviksi)

• Kuanza kushuka kwa mtoto kwenye tundu la uzazi

• Maumivu huanza kwenye tumbo la uzazi hushuka kwa chini kuelekea kwenye sehemu za siri na mgongoni

• Kuona mfuko wa amniotiki umetangulia ukeni

Dalili za leba isiyo halisi (uchungu usio usio wa uzazi)

• Kubana kwa tumbo la uzazi kusikoongezeka kwa ukali na wingi jinsi muda unavyokwenda. Kubana huku huisha pia kwa mazoezi n.k

• Maumivu ya tumbo huwa si makali sana

• Maumivu huweza kuelekea nyuma ya mgongo

• Maumivu ya tumbo juu ya kitovu

Vidokezo muhimu

• Leba kwa kawaida hutokea kwa mama aliyefikisha wiki 37 na kuendelea za ujauzito.

• Leba inayotokea kabla ya umri huu huitwa leba ya premature yaani leba inayotokea kabla yam toto kukomaa.

• Leba ikitokea chini ya wiki 28 kwa Tanzania huitwa abosheni.

• Leba inapoanza, huendelea kwenye hatua tatu kabla yam toto kutoka kwenye mfuko wa kizazi.

• Hatua hizo zote ni za muhimu na muuguzi anapaswa kuwa karibu na mama mjamzito katika hatua zote akiendelea kuangalia maendeleo ya labor inavyokwenda.