Ni dawa ya kuua bakteria yenye wigo mpana dhidi ya vimelea jamii ya gramu hasi na chanya. Huweza kutibu maambukizi katika sehemu mbalimbali kama ngozi, mfumo wa upumuaji, tishu laini, ubongo na mfumo wa mkojo.

Kundi la dawa

Ceftriaxone ni kizazi cha tatu cha dawa jamii ya cephalosporin.

Upekee wa ceftriaxone na dawa zingine kwenye kundi lake

Nusu maisha ya dawa ya ceftriaxone ni mkubwa ukilinganisha na dawa zilizo kwenye kundi moja.

Ceftriaxon pia huwa na uwezo mkubwa zaidi kuua bakteria jamii ya gramu hasi kuliko dawa za kizazi cha kwanza na cha pili cha cephalosporin.

Majina ya kibiashara

Ceftriaxone hufahamika kwa majina ya ibishara kama;

• Rocephin

• Pawercef

• Aacef

• Abxone

• Accuzon

• Acticef

• Aerocef

• Afzone

• Alcef

• Ceftrimax

• Ceftivo

• Gramocef

• Infoxon T

Vimelea wanaouliwa na ceftriaxone

Vimelea wanaouliwa na ceftriaxone ni;

• Streptococcus pneumoniae

• Streptococcus pyogenes (Kundi A beta-hemolytic streptococci)

• Coagulase-hasi staphylococci

• Baadhi ya spishi wa Enterobacter spp

• Haemophilus influenza

• Neisseria gonorrhoeae

• Proteus mirabilis

• Eschelician coli

• Spishi wa Klebsiella

• M. catarrhalis

• B. burgdorferi na

• Baadhi ya vimelea jamii ya anaerobes

Ceftriaxone hutibu nini?

Ceftriaxone hutumika kutibu magonjwa mbalimbali yanayotokana na maambukizi ya bakteria wanaodhuriwa na dawa hii miongoni mwayo ni;

• Jipu kwenye ubongo

• Maambukukizi ya bakteria kwenye moyo

• Maambukizi ya bakteria kwenye sinus

• Maambukizi ya bakteria kwenye mifupa

• Chancroid

• Nimonia ya jamii

• Gono ya macho kwa vichanga

• Kuvimba kwa korodani kutokana na maambukizi

• Kuvimba kwa kidaka tonge kutokana na maambukizi

• Gono kwenye maungo ya mwili

• Maambukizi kwenye mfumo wa chini wa upumuaji

• Gono ya ndai ya via vya uzazi

• Maambukizi ndani ya tumbo

• Taifodi

• Kusambaa kwa bakteria kwenye damu

• Ugonjwa wa lyme

• Homa ya uti wa mgongo kutokana na maambukizi ya bakteria

• Kuzuia maambukizi kabla ya upasuaji

• Kusambaa kwa bakteria kwenye maungo ya mwili

• Shigelosis

• Maambukizi tata ya bakteria kwenye mfumo wa mkojo

• Kaswende

• Gono ya kwenye uke

• Ugonjwa wa whipple

• Maambukizi ya bakteria kwenye mfumo wa kati wa sikio

• Gono isiyo sugu

• UTI isiyo sugu

Namna ceftriaxone inavyofanya kazi

Ceftriaxone hutumika kua bakteria na mara nyingi bakteria jamiii ya gramu chanya. Dawa hii pia huwa na uwezo kwenye bakteria jamii ya gramu hasi na anaerob. Uwezo wake wa kutibu hutokana na dawa hii kuzuia uzalishaji wa vijenzi muhimu vya uzio wan je wa bakteria vyenye jina la mucopeptide kwa kujishikiza kwneye vimeng’enya vya carboxypeptidases, endopeptidases na transpeptidases. Kujishikiza kwenye vimeng’enya hivi hufanya bakeria kushindwa zalisha uzio wake wa nje na hivyo kufa

Ufyonzwaji wa ceftriaxone

Hutolewa kwa kuchoma kwenye misuli au kuingia kwenye mishipa ya damu. Ufyonzwaji wake tumboni ni chini ya asilimia 1 na hii ndio maana dawa huwa haitolewi kwa kunywa.

Utoaji dawa mwilini

Asilimia 33 hadi 66 ya Ceftriaxone hutolewa mwilini kupitia mkojo, kiasi kilichobaki hutolewa kwenye damu kupitia haja kubwa.

Nusu maisha ya dawa

Nusu maisha ya dawa ceftriaxone ni masaa 5.8. hadi 8.7. nusu maisha kwenye majimaji yaliyo kwenye mfumo wa kati wa sikio umekadiliwa kuwa masaa 25.

Sumu ya ceftriaxone

Kutumia dozi kubw akupita kiasi huongeza hatari ya kufanyika kwa mawe ndani ya njia ya mkojo na kuferi kwa figo.

Dalili za kutumia dozi kubwa kupita kiasi hazijaandikwa lakini hufanana na maudhi ya dawa. Kama dozi ikizidishwa, dawa inaweza kuondolewa haraka kwenye damu kwa kufanyiwa dayalisis.

Maudhi ya ceftriaxone

• Kinyesi cheusi kinachonata

• Maumivu ya kifua

• Kutetemeka

• Kikohozi

• Homa

• Maumvu wakati w akukojoa au ugumu kutoa mkojo

• Kuishiwa pumzi

• Vidonda kooni

• Vidonda au mabaka mekundu kwenye midomo au kinywa

• Kuvimba kwa tezi

• Kutokwa damu au kuvia damu kirahisi

• Uchofu usio kawaida

Maudhi yanayotokea mara chache

• Kuharisha

Maudhi yanayotokea kwa nadra sana

• Maumivu ya tumbo

• Kutokwa damu kwenye fizi

• Tumbo kujaa gesi

• Kutokw ana damu puani

• Kuwa na rangi ya bluu

• Kinyesi cheusi

• Degedege

• Kupumua kwa shida

• Kizunguzungu

• Mapigo ya moyo kwenda mbio

• Maumivu ya kichwa

• Kuhisi joto kupanda mwilini

• Homa na kutetemeka

• Kutokwa na jasho jingi

• Kuvimba mwili

• Kukosa hamu ya kula

• Maumivu ya nyuma ya mgongo

• Muwasho

• Ongezeko la damu ya hedhi

Ceftriaxone wakati wa ujauzito

Tafiti nyingi hazijafanyika kwa binadamu kuhusu madhara ya dawa hii kwa kijusi tumboni, na zile zilizofanyika kwa wanyama wajawazito zinaonyesha kuwa dawa hii haikusababisha ulemavu kwa kijusi. Hata hivyo matumizi ya dawa hii huweza kuua bakteria rafiki kwenye mwili wa binadamu.

Usugu wa dawa kwenye vimelea

Baadhi ya bakteria wamekuwa hawasikii dawa hii kutokana na kutengeneza usugu kwenye dawa. Unashauriwa usitumie dawa hii pasipo kuandikiwa na daktari wako au kabla ya kufanyiwa vipimo.