Dawa ya chembe ya moyo

Dawa ya chembe ya moyo katika makala hii imemaanisha dawa za kutuliza maumivu yanayotokea sehemu ya chini ya miishio ya fupa titi.

Chembe ya moyo ni maumivu yanayohisia mbele ya kifua, sehemu ya chini mahari ambapo fupatiti huishia na tumbo huanzia. Mara nyingi maumivu haya hutokana na matatizo katika mfumo wa chakula.

Kuna magonjwa na hali mbalimbali zinazoweza kusababisha maumivu ya chembe ya moyo, miongoni mwayo ni:

• Kuvimbiwa

• Kiungulia

• Kucheua tindikali

• Kula kupita kiasi

• Kutostahimili laktozi

• Kunywa pombe

• Mvurugiko wa tumbo au kuu la chakula

• Henia ya hiata

• Vidonda vya tumbo

• Vidonda kwenye duodamu

• Magonjwa ya kifuko cha nyongo

• Ujauzito

• Matumizi ya dawa aina Fulani

• Umio la Barrett

• Maambukizi kwenye kongosho

Matibabu

Matibabu ya maumivu ya chembe ya moyo hutegemea kisababishi, baadhi ya magonjwa kama wa kucheua tindikali, vidonda kwenye tumbo na duodenamu na na umio la Barrett huhitaji matibabu ya muda mrefu.

Kama kama kisababishi ni matumizi ya dawa aina Fulani, daktari atakushauri kubadilisha dawa na kama ni kutokana na kucheua tindikali, dawa za kuzuia uzalishaji wa tindikali zinaweza kukusaidia.

Wakati gani wa kuonana na daktari?

Mara nyingi maumivu ya chembe ya moyo huwa yanasababishwa na sababu zisizo za kuogopesha. Hata hivyo endapo unapata maumivu makali ya chembe ya moyo unapaswa kuonana na daktari mara moja kwa uchunguzi na tiba.

Onana na daktari mara moja kwa huduma ya haraka endapo unapatwa na dalili zifuatazo:

• Kupumua kwa shida

• Kumeza kwa shida

• Hisia za kugandamizwa kifuani

• Kukohoa damu

• Kutapika damu

• Homa kali

• Kichefuchefu, kutapika na kuharisha kwa zaidi ya 24

• Uchovu mkali

Ili kusoma matibabu ya kila kisababishi, ingia kwenye dawa za kila kisababishi.