Dawa ya Anidulafungin

Anidulafungin ni dawa mojawapo ya kutibu magonjwa ya fangasi iliyopo katika kundi la dawa linaloitwa antifangasi aina ya echinocandins. Dawa hii huwa maarufu pia kwa jina la eraxis

Fomu na uzito wa Anidulafungin

Anidulafungin hupatikana katika fomu ya unga unaochangaywa na maji kabla ya kuchoma mwilini kwa njia ya sindano. Chupa moja ya unga huwa na dawa yenye uzito wa Milligram 50

Namna Anidulafungin inavyofanya kazi

Dawa ya anidulafungin ni aina ya dawa ambayo hufanya kazi ya kuzuia utengenezwaji wa kiungo kinachoitwa glucan ambacho ni moja ya kiungo muhimu katika ukuta wa seli ya fangasi . Dawa hufanikisha jukumu hilo kwa kuzuia kimeng’enya kinachoitwa Glucan synthase kufanya kazi hivyo kuzuia ukuaji wa seli ya fangasi

Dawa zilizo kundi moja na Anidulafungin

Dawa hii ipo katika kundi sawa na dawa zifuatazo: • Micafungin • Capsofungin

Kazi ya Anidulafungi

Hutumika kwenye matibabu ya fangasi wa kooni, waliosambaa kwenye mrija wa esofagasi au kwenye damu

Dawa zisizopaswa kutumika pamoja na Anidulafungin

Dawa hii haipaswi kutumika pamoja na dawa zifuatazo: • Deflazacort • Dichlorphenamide • Sodium sulfate • Potassium sulfate

Wagonjwa wasiopaswa kutumia Anidulafungin

Wagonjwa wenye aleji na dawa hii au jamii ya dawa za Antifangasi

Tahadhari kwa watumiaji wa Anidulafungin

Dawa hii huweza kupelekea matatizo kwenye ini Huweza kusababisha kubana kwa mirija ya kupitisha hewa katika mfumo wa upumuaji

Utofauti wa Anidulafungin kwenye kundi la Echinocandins

Dawa hii hutolewa mwilini kwa njia ya kinyesi kwa asilimia kubwa zaidi kuliko kwa njia ya mkojo. Dawa hii nusu ya maisha ya dawa hii ni nusu saa hadi saa 1 tangu itumike mwilini

Matumizi ya Anidulafungin wakati wa ujauzito na kunyonyesha

Dawa hii bado haijapewa kundi la usalama wa dawa kipindi cha ujauzito Dawa hii inaweza kutumika endapo itahitajika sana kwa mama mjamzito bila kuwepo kwa dawa nyingine mbadala

Matumizi ya Anidulafungin wakati wa kunyonyesha

Hakuna takwimu zinazoonyesha kuwa dawa hii hutolewa kwenye maziwa ,Inaweza kutolewa kwa tahadhari

Maudhi ya Anidulafungin kwa watumiaji

Baadhi ya maudhi madogo ya dawa hii ni pamoja na : • Kuharisha • Haipokalemia • Kichefuchefu • Ngozi kuwasha

Ukisahau dozi ya Anidulafungin

Je endapo utasahau dozi yako ufanyaje? Endapo ukisahau kunywa dozi yako, kunywa a mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako.