Dawa ya Cephalexin

Cephalexin ni aina ya dawa ambayo ipo kwenye kundi la kwanza la antibayotiki jamii ya Cephalosporin. Dawa hii hutumika kupambana na Maambukizi mbalimbali kwenye mwili.Dawa hii huwa maarufu kwa majina ya Keflex na Panixine Disperdose

Rangi na Fomu ya Cephalexin

Rangi ya dawa ni nyeupe lakini mara nyingi hutegemea aina ya kiwanda kinachotengeneza Cephalexin hupatikana katika mfumo wa tembe,maji na kidonge wenye uzito wa milligramu zzifuatazo: Tembe

• 250 mg • 500 mg • 750 mg

Maji

• 125 mg/5mL • 250 mg/5mL

Kidonge

• 250 mg • 500 mg

Namna cephalexin inavyofanya kazi

Dawa hii hufanya kazi kwa kuzuia ukuaji wa bakteria kwa kuzuia utengenezaji wa peptidoglacan ambayo huunda ukuta wa seli kwenye bakteria ,kwa kufanya hivyo hupelekea kufa kwa bakteria

Dawa kundi moja na Cephalexin

Dawa zingine zilizo kwenye kundi moja la Cephalosporin daraja la kwanza ni ; • Cefazolin • Cefadroxil • Cephalothin • Cephapirin • Cephradine

Kazi ya cephalexin

• Hutumika kwenye matibabu ya tezi kuvimba • Hutumika kwenye matibabu ya wagonjwa wenye pharyngitis • Hutumika kwenye matibabu ya Maambukizi ya mfumo wa mkojo • Hutumika kwenye matibabu ya Maambukizi kwenye sikio

Utofauti wa Cephalexin na dawa zingine kwenye kundi moja

Utofauti wa pekee wa dawa hii na dawa zingine za kwenye kundi hili la cephalosporin ya kwanza; • Dawa hii hutolewa mwilini kwa njia ya mkojo kwa asilimia kubwa zaidi kuliko njia zingine. • Dawa hii nusu ya maisha ya dawa hii ni nusu saa mpaka saa 1 tangu itumike mwilini

Dawa usizopaswsa kutumia pamoja na Cephalexin

Dawa hii haipaswi kutumika pamoja na dawa zifuatazo :

• Argatroban • Bivalirudin • Dalteparin • Enoxaparin • Fondaparinux • Heparin • Warfarin • Bazedoxifene • Dienogest • Estradiol • Ethinylestradiol • Probenecid

Wagonjwa wasiopasswa kutumia Cephalexin

Wagonjwa wenye aleji na dawa hii au jamii ya dawa za cephalosporin

Tahadhari ya Cephalexin

• Dozi yake inapaswa kupunguzwa kwa mgonjwa mwenye shida ya figo • Matumizi ya muda mrefu huweza kupelekea fangasi kwenye mwili

Matumizi ya Cephalexin kwa mama mjamzito

• Dawa hii ipo kwenye kundi B la usalama kwa mama mjamzito • Dawa hii inaweza kutumika kwa mama mjamzito ,Tafiti za wanyama hazionyeshi hatari yeyote kwa mjamzito

Matumizi ya Cephalexin kwa mama anayenyonyesha

Inaweza kutumika kwa mama anayenyonyesha sababu hakuna madhara yeyote yaliyoripotiwa

Maudhi ya Cephalexin

Baadhi ya maudhi madogo ya dawa hii ni; • Maumivu ya tumbo • Kichefuchefu • Kutapika • Kuharisha • Homa

Ukisahau kunywa dozi ya Cephalexin

Je endapo utasahau dozi yako ufanyaje? Endapo ukisahau kutumia dozi yako tumia mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako