Dawa ya Cephapirin

Cephapirin ni aina ya dawa ambayo ipo kwenye kundi la kwanza la antibayotiki jamii ya Cephalosporin. Dawa hii hutumika kupambana na Maambukizi mbalimbali kwenye mwili.Dawa hii huwa maarufu kwa majina ya cefapirin.

Rangi na fomu ya Cephapirin

Cephapirin hupatikana katika mfumo wa unga mweupe kwa ajili ya kuchanganya na maji kabla ya uchoma kwenye mishipa. Uzito wa unga huu huwa gramu(g) • 1g • 2g • 10g

Namna Cephapirin inavyofanya kazi

Dawa hii hufanya kazi kwa kuzuia ukuaji wa bakteria kwa kuzuia utengenezaji wa peptidoglacan ambayo huunda ukuta wa seli kwenye bakteria ,Kwa kufanya hivyo hupelekea kufa kwa bakteria

Dawa zilizo kwenye kundi moja na Cephapirin

Dawa zingine zilizo kwenye kundi moja na Cephalosporin dalaja la kwanza ni ;

• Cefazolin • Cefadroxil • Cephalothin • Cephapirin • Cephradine

Kazi ya Cephapirin

Hutumika kwa ajili ya kutibu Maambukizi mbalimbali ya magonjwa yanayosababishwa na Bakteria

Usitumie Cephapirin pamoja na dawa hizi

Dawa hii haipaswi kutumika pamoja na dawa zifuatazo • Argatroban • Bivalirudin • Dalteparin • Enoxaparin • Fondaparinux • Heparin • Warfarin • Bazedoxifene • Dienogest • Estradiol • Ethinylestradiol • Probenecid

Wagonjwa wasiopaswa kutumia Cephapirin

Wagonjwa wenye aleji na dawa hii au jamii ya dawa za cephalosporin

Tahadhari ya Cephapirin

• Dozi yake inapaswa kupunguzwa kwa mgonjwa mwenye shida ya figo • Matumizi ya muda mrefu huweza kupelekea fangasi kwenye mwili

Matumizi ya Cephapirin kwa mama mjamzito

• Dawa hii ipo kwenye kundi B la usalama kwa mama mjamzito • Dawa hii inaweza kutumika kwa mama mjamzito. Tafiti za wanyama hazionyeshi hatari yeyote kwa mjamzito

Matumizi ya Cephapirin kwa mama anayenyonyesha

Inaweza kutumika kwa mama anayenyonyesha sababu hakuna madhara yeyote yaliyoripotiwa

Maudhi ya Cephapirin

Baadhi ya maudhi madogo ya dawa hii ni; • Maumivu ya tumbo • Kichefuchefu • Kutapika • Kuharisha • Homa

Endapo umesahau dozi ya Cephapirin

Endapo ukisahau kutumia dozi yako tumia mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako