Dawa ya Clotrimazole

Clotrimazole ni dawa mojawapo ya kutibu magonjwa ya fangasi iliyoko katika kundi la dawa linaloitwa antifangasi.

Majina ya kibiashara

Clotrimazolehufahamika pia kama

• Canesten

• Labesten n.k

Fomu na uzito

Dawa ya Clotrimazole hupatikana katika fomu ya kidonge chenye uzito wa miligramu 10 au fomu ya krimu wenye ujazo mbalimbali na mfumo wa vidongevya kuweka ukeni

Ufanyaji kazi wa Clotrimazole

Dawa jamii ya Antifangasi ikiwemo Clotrimazole hufanya kazi zifuatvyo ili kutibu fangasi

Dawa hii hufanya kazi zake kwa kuharibu ukuta wa seli wa fangasi, kuharibika huku hufanya fangasi wafe. Huharibu kwa kuzuia utengenezaji wa egosteroli, hiki ni kiungo muhimu sana kwenye ukuta wa seli wa fangasi kwa kuwa hufanya kazi kama homoni ili kusaidia seli ya fangasi itengeneze ukuta wake.

Dawa kundi moja na Clotrimazole

Dawa hii ipo katika kundi sawa na dawa zifuatazo;

• Amphotericin B

• Butoconazole

• Capsofungin

• Ciclopiro

• Econazole

• Fluconazole

• Flucytosine

• Griseofulvin

• Itraconazole

• Ketoconazole

• Miconazole

• Naftifine hydrochloride

• Nystatin

• Oxiconazole nitrate

• Sulconazole nitrate

• Terbinifine

• Terconazole

• Tioconazole

• Tolnaftate

• Voriconazole

Clotrimazole hutibu nini?

Hutumika kwenye matibabu ya fangasi kwenye mfumo wa umeng'enyaji wa chakula uliyosababisha na Kandidiasi pamoja na fangasi wa ukeni

Clotrimazole na dawa zingine

Dawa hii haipaswi kutumika pamoja na dawa zifuatazo:

• Elagolix

• Everolinus

• Lomitapide

• Axitinib

• Bosutinib

• Eliglustat

• Warfarin

Wagonjwa wasiopaswa kutumia clotrimazole

Clotrimazole haipaswi kutumika kwa wagonjwa wenye aleji na dawa hii au jamii ya dawa za Antifangasi

Tahadhali ya clotrimazole

Clotrimazole inapaswa kutumika kwa tahadhari kwa wagonjwa wenye shida ya magonjwa ya Ini.

Upekee wa clotrimazole

Utofauti wa pekee wa dawa hii na dawa zingine za kwenye kundi hili ni;

• Dawa hii huwa na uwanja mpana wa kutibu fangasi aina tofauti, hivyo huchukuliwa kama dawa bora, hata hivyo mbali na uwezo wake wa kutibu fangasi, imekuwa ikutumika kwenye matibabu ya wagonjwa wa seli mundu, malaria na baadhi ya saratani

• Huwa na maudhi machache na umeng’enyaji wake hueleweka ndo maana inakubalika sana maeneo mengi duniani kutumia kutibu fangasi wa ukeni na miguuni

Clotrimazole na ujauzito

Itumike kwa uangalifu kipindi cha ujauzito, dawa ya kupaka na vidonge vya kuweka kwenye uke ni salama zaidi kuliko vidonge kwa kunywa.

Clotrimazole kipindi cha kunyonyesha

Takwimu hazijaonyesha kuwa kuna uwezekano wa hii dawa kuingia au kuwa kwenye maziwa ya mtoto ila haishauriwi itumike kwa wamama wajawazito

Maudhi madogo ya clotrimazole

• Kichefuchefu

• Kutapika

• Kuhisi kuungua

• Kuwashwa mwili

Je, kama umesahau dozi ya clotrimazole?

Kama umesahau kutumia dozi yako ya Clotrimazole, tumia mara pale utakapokumbuka kisha endelea kwa muda kama ulivyopangiwa na daktari wako.