Dawa ya Luliconazole

Luliconazole ni dawa mojawapo ya kutibu magonjwa ya fangasi iliyopo katika kundi la dawa linaloitwa antifangasi. Dawa hii huwa maarufu kwa jina la luzu

Fomu ya dawa Luliconazole

Luliconazole kwenye fomu ya krimu yenye asilimia 1 ya kiini cha dawa

Namna Luliconazole inavyofanya kazi yake

Dawa ya Luliconazole ni aina ya dawa ambayo hufanya kazi kwa kufungamana na homoni ergosteroli iliyo kwenye ukuta wa seli ya fangasi. Kwa kufanya hivi hutengeneza matobo na kufanya ukuta wa seli kuwa na udhaifu kufa kwake

Dawa za fangasi sawa na Luliconazole

Dawa hii ipo katika kundi sawa na dawa zifuatazo:

• Amphotericin B

• Butoconazole

• Capsofungin

• Econazole

• Flucytosine

• Griseofulvin

• Itraconazole

• Miconazole

• Oxiconazole nitrate

• Sulconazole nitrate

• Terconazole

• Tioconazole

• Tolnaftate

• Voriconazole

Kazi ya Luliconazole

Hutumika katika kutibu maradhi ya fangasi inayosababishwa na tinea pedis , Versicolour ,corporis na crusis

Wagonjwa wasiopaswa kutumia Luliconazole

Wagonjwa wenye aleji na dawa hii au jamii ya dawa za Antifangasi

Utofauti Luliconazole na dawa zingine za fangasi

Dawa hii hufikia kilele baada ya masaa 21 baada ya kutumika mwilini

Matumizi ya Luliconazole kwa mama mjamzito

Dawa hii bado haijapewa kundi la usalama wa dawa kipindi cha ujauzito

Dawa hii inaweza kutumika endapo itahitajika sana kwa mama mjamzito bila kuwepo kwa dawa nyingine mbadala

Matumizi ya Luliconazole kwa mama anayenyonyesha

Hakuna takwimu zinazoonyesha kuwa dawa hii hutolewa kwenye maziwa ,Inaweza kutolewa kwa tahadhari

Maudhi ya Luliconazole

Baadhi ya maudhi madogo ya dawa hii ni pamoja na

Ngozi kuungua

Ngozi kuwasha

Kutokwa na vipele

Je endapo utasahau dozi yako ya Luliconazole ufanyaje ?

Endapo ukisahau kutumia dozi yako, tumia mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako