Dawa ya Terazosin

Terazosin

Terazosin ni dawa mojawapo ya kutibu shinikizo la juu la damu Iliyopo kwenye kundi la dawa linaloitwa Alpha Risepta Antagonisti. Dawa hii huwa maarufu kwa jina la Hytrin

Rangi ya dawa ni nyeupe lakini mara nyingi hutegemea aina ya kiwanda kinachotengeneza.

Terazosin inapaswa kutumiwa pamoja au pasipo na chakula mara moja kwa siku kama utakavyoelekezwa na kushauriwa na daktari.

Dawa hii hupatikana katika mfumo wa tembe katika milligram zifuatazo;

• 1 Mg

• 2 Mg

• 5 Mg

• 10 Mg

Namna dawa inavyofanya kazi;

Dawa jamii ya Apha Risepta Antagonisti ikiwa pamoja na Terazosin hufanya kazi zifuatazo;

• Hufunga milango ya seli yenye jina la Alpha adrenorisepta na kupelekea kulegeza na kupanua kipenyo cha mishipa ya damu na kuruhusu damu kupita bila shinikizo kubwa.

Dawa zingine zilizo kwenye kundi moja (Alpha Risepta Antagonisti) na dawa hii ni;

• Phentolamine

• Phenoxybenzamine

• Prazosin

• Doxazosin

• Alfuzosin

• Tamsulosin

• Indoramin

• Urapidil

• Bunazosin

Kazi ya dawa

• Hutumika kwa ajili ya kushusha shinikizo la juu la damu na kuwa sawa

• Hutumika kutoa nafuu kwa wagonjwa wenye uvimbe wa tezi dume kwa kusinyaza misuli ya kibofu cha mkojo na tezi dume kwa ajili ya kuwasaidia kupunguza dalili za kukojoa kwa shida

Utofauti wa pekee wa dawa hii na dawa zingine za kwenye kundi hili la (Alpha Risepta Antagonisti)

• Dawa hii ni imara zaidi katika kundi hili ukilinganisha na dawa zingine kwenye kundi hili

Dawa hii haipaswi kutumika pamoja na dawa zifuatazo;

• Lofexidine

• Sildenafil

• Tamsulosin

• Vardenafil

• Yohimbe

Dawa hii haipaswi kutumika kwa wagonjwa wafuatao

Wagonjwa wenye aleji na dawa hii au jamii ya dawa za Alpha Risepta Antagonisti

Tahadhari ya dawa hii

Dozi ya kwanza ya dawa hii huweza kupelekea kushuka kwa ghafla kwa shinikizo la damu

Inapaswa kutumika kwa tahadhari kwa wagonjwa wa saratani ya tezi dume

Kundi la dawa wakati wa ujauzito

Dawa hii ipo kwenye kundi C la usalama wa dawa kipindi cha ujauzito

Matumizi kwa mama mjamzito

Dawa hii inaweza kutumika kwa tahadhari kwa mama mjamzito endapo faida ni nyingi kuzidi hatari

Matumizi kwa mama anayenyonyesha

Haipaswi kutumika kwa mama anayenyonyesha sababu haijulikani kama hinaweza kuingia kwenye maziwa baada ya mama kutumia dawa hii

Baadhi ya maudhi madogo ya dawa hii ni;

• Kizunguzungu

• Maumivu ya misuli

• Haipotension

• Kichefuchefu

• Kuvimba

• Kuishiwa pumzi

• Kuchoka

• Kuishiwa fahamu

• Kushindwa kuwa imara katika mapenzi

Mengine yanayofanyika Mwilini

Kiwango cha juu cha dawa kwenye damu hufikiwa ndani saa 1, nusu maisha ya dawa mwilini ni masaa 9 mpaka 12

Mabaki ya dawa mwilini hutolewa kwa njia ya Mkojo kwa asilimia 40 na kinyesi kwa asilimia 60

Je endapo utasahau dozi yako ufanyaje?

Endapo ukisahau dozi yako ya dawa unapaswa kunywa mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako.