Dawa ya Terconazole

Terconazole ni dawa mojawapo ya kutibu magonjwa ya fangasi iliyoko katika kundi la dawa linaloitwa antifangasi aina ya Triazole. Dawa hii huwa maarufu pia kwa jina la Terazol

Terconazole hupatikana katika mfumo wa krimu wenye ujazo wa asilimia mbalimbali kama

• 0.4

• 0.8

Terconazole hupatikana katika mfumo wa kidonge kwa ajili ya kuweka ukeni chenye uzito wa miligramu 80

Namna dawa inavyofanya kazi ili kutibu fangasi

Dawa hii hufanya mambo yafuatayo ili kutibu fangasi;

• Dawa hii ya Terconazole hufanya kazi zake kwa kuharibu ukuta wa seli ya fangasi. Terconazole na aina nyingine za dawa ya fangasi hufanya kazi kwa kuzuia utengenezaji wa homoni ergosteroli,homoni hii ni muhimu sana kwani huhusika katika utengenezaji wa vijenzi muhimu vya ukita wa seli ya fangasi.

Dawa hii ipo katika kundi sawa na dawa zifuatazo;

• Albaconazole

• Efinaconazole

• Epoxiconazole

• Fluconazole

• Isavuconazole

• Itraconazole

• Posaconazole

• Propiconazole

• Ravuconazole

• Voriconazole

Kazi za hii dawa ni kama ifuatavyo:

• Hutumika kwenye matibabu ya fangasi aina ya Kandidiasisi.

Dawa hii haipaswi kutumika kwa wagonjwa wafuatao;

• Wagonjwa wenye aleji na dawa hii au jamii ya dawa za Antifangasi

Kundi la dawa kipinid cha ujauzito

• Dawa hii ipo kwenye kundi B la usalama wa dawa kipindi cha ujauzito

Matumizi kwa mama mjamzito

• Dawa hii hushauriwa kutumika wakati wa kipindi cha ujauzito

Matumizi kwa mama anayenyonyesha

• Takwimu hazijaonyesha kuwa kuna uwezekano wa hii dawa kuingia kwenye maziwa ya mtoto ila itumike kwa wamama wajawazito kwa uangalifu.

Baadhi ya maudhi madogo ya dawa ni;

• Mwili kupata Homa

• Maumivu ya kichwa

• Kuwashwa kwenye uke

• Kukojoa sana

• Maumivu wakati wa hedhi

Je endapo utasahau dozi yako ufanyaje?

Endapo ukisahau tumia dozi yako, tumia mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi inayofuata kama ulivyopangiwa na daktari wako.