Emtricitabine (FTC)

Emtricitabine (FTC) ni dawa mojawapo ya kudhoofisha makali ya Virusi vya UKIMWI (ART) na ipo kwenye kundi la dawa zinazoitwa NRTIs.

Dawa hii haitumiki kama yenyewe, huchanganywa na dawa zingine za ART kudhibiti makali ya VVU.

Kundi la dawa za NRTIs hufanya kazi ya kupunguza makali ya VVU kwa kuzuia RNA ya kirusi kujitengenezea DNA. Ili RNA itengeneze DNA inahitaji kimeng’enya kinachoitwa Reverse Transcriptase, abacavir huzuia kimeng’enya hiki na hivyo kirusi kushindwa kujuzalia.

Fomu na rangi ya dawa Emtricitabine (FTC)

Dawa hii hupatikana katika mfumo wa tembe na maji maji

Rangi ya kidonge hutofautina kulingana na kampuni, inaweza kuwa nyeupe, njano mpauko, n.k

Jina jingine la Emtricitabine (FTC)

Jina jingine la dawah ii hufahamika kama Emtriva.

Dawa kundi moja na Emtricitabine (FTC)

Dawa zingine ambazo zipo kwenye kundi moja na Emtricitabine (FTC) ni:

• Zidovudine (Retrovir)

• Lamivudine (Epivir)

• Abacavir sulfate (Ziagen)

• Didanosine (Videx)

• Didanosine (Videx EC)

• Stavudine (Zerit)

• Emtricitabine (Emtriva)

• Tenofovir disoproxil fumarate (Viread)

Kazi za Emtricitabine (FTC)

Hutumika kama dawa kwenye kundi la pili kuthibiti makali ya virusi vya UKIMWI ikiwa imeunganika na Atazanavir(ATV)

Hutumika kama dawa ya ziada kwa watu ambao hujidunga madawa ya kulevya Pamoja na dawa kama ifuatavyo;

• Tenofovir (TDF) + Emtricitabine (FTC) + Atazanavir (ATV/r)

• emtricitabine + tenofovir disoproxil

• Emtricitabine na Tenofovir

• Doravirine + Lamivudine + Tenofovir

• Efavirenz + Lamivudine + Tenofovir

• Lamivudine + Tenofovir

• Efavirenz + Emtricitabine + Tenofovir

Mgonjwa anapaswa kutumia dawa hii kama ambavyo atakavyoelekezwa na Daktari

Dawa zisizopaswa kutumika na Emtricitabine (FTC)

Emtricitabine haipaswi kutumika pamoja na dawa zifuatazo:

• Abacavir

• Acyclovir

• Diclofenac

• Efavirenz

• Zidovudine

• Nevirapine

• Ibuprofen

• Ganciclovir

• Ribavirin

• Lamivudine

Wagonjwa wasiopaswa kutumia Emtricitabine (FTC)

Haipaswi kutumika kwa wagonjwa wafuatao:

• Waliovimba ini

• Wenye homa ya ini

• Wenye aleji

Wakati gani Emtricitabine (FTC) itumike kwa umakini?

Inapaswa kutumika kwa uangalifu kwa wagonjwa wafuatao:

• Wenye magonjwa ya Ini

• Dozi inapaswa kupunguzwa kwa wenye magonjwa ya figo

• Watu wenye magonjwa mengine yanayoharibu kinga ya mwili kama ugonjwa wa Graves

Matumizi ya Emtricitabine (FTC) kwa mama mjamzito

Tafiti zinaonyesha kuwa hakuna madhara kwa mtoto wakati wa ujauzito

Matumizi ya Emtricitabine (FTC) kwa mama anayenyonyesha

Dawa hii inaweza kutumika kwa mama anayenyonyesha

Maudhi ya Emtricitabine (FTC)

Baadhi ya maudhi madogo ya dawa hi ni pamoja na:

• Kuchoka

• Kuwa na homa

• Maumivu ya misuli

• Kichwa kuuma

• Vipele

• Kichefuchefu

• Kutapika

• Kizunguzungu

• Misuli kukosa nguvu

• Ndoto za kutisha

• Maumivu ya tumbo

• Kukohoa

• Kukosa usingizi

Je endapo utasahau dozi yako ya Emtricitabine (FTC) ufanyaje ?

Dawa hii hutumika kwa mchanganyiko pamoja na dawa zingine za kuthibiti VVU, endapo utasahau tumia dozi yako, unapaswa tumia na Kuendelea na muda huo siku inayofuata.

Lakini ukikumbuka kunywa baada ya masaa 24 kupita, kunywa dozi inayofuata kama ulivyopangiwa na daktari na achana na dozi uliyosahau.