Eprosartan

Eprosartan ni dawa mojawapo ya kutibu shinikizo la juu la damu iliyopo kwenye kundi la dawa linaloitwa angiotensini II Risepta bloka (ARBs). Dawa hii huwa maarufu kwa jina Teveten

Rangi ya Eprosartan

Rangi ya dawa hii ni nyeupe lakini mara nyingi hutegemea aina ya kiwanda kinachotengeneza

Hakikisha unakunywa dawa hii kama ulivyoshauriwa na daktari wako kila siku na kwa kiwango cha dozi uliyopewa. Dozi utakayopewa itategemea hali yako ya kiafya na jinsi mwili unavyokubali matibabu

Ili kukumbuka dozi yako, tumia muda ule ule wa kunywa dawa yako kila siku. Ni muhimu kuendelea kutumia dawa hii hata kama unajisikia vizuri baada ya kuanza kutumia dawah ii.

Fomu ya Eprosartan

Eprosartan hupatikana katika mfumo wa kidonge chenye uzito wa milligram zifuatazo;

• 400mg

• 600mg

Ufanyaji kazi wa Eprosartan

Namna dawa inavyofanya kazi ili kupunguza shinikizo la damu

Dawa jamii ya ARBs ikiwa pamoja na Eprosartan hufanya kazi zifuatazo ili kupunguza shinikizo la damu;

Hufanya kazi kwa kufunga risepta za Angiotensin II zinazojulikana kwa jina la AT1 Risepta. Risepta hizi hupatikana kwenye moyo,mishipa ya damu na figo. Risepta hizi zinapofungwa hupelekea kutanuka kwa mishipa ya damu hivyo kuwa na kipenyo kikubwa na matokeo yake ni kushuka kwa shinikizo la damu.

Hupinga uzalishwaji wa homoni ya Aldosterone ambayo hutumika kuthibiti kiasi cha sodium na maji. Kiasi cha sodiamu kinapothibitiwa huweza kupunguza shinikizo la damu kwa hutanua kipenyo cha mishipa ya damu na kuruhusu damu kupita bila shinikizo la juu.

Dawa kundi moja na Eprosartan

Dawa zingine zilizo kwenye kundi moja na dawa hii ni;

• Azilsartan

• Olmesartan

• Candesartan

• Irbesartan

• Losartan

• Telmisartan

Kazi ya Eprosartan

Hutumika kwenye matibabu ya wagonjwa wenye shinikizo la juu la damu

Dawa zisizopaswa kutumika na Eprosartan

Dawa hii haipaswi kutumika pamoja na dawa zifuatazo;

• Benazepril

• Captopril

• Enalapril

• Fosinopril

• Lisinopril

• Lithium

• Lofexidine

• Moexipril

• Perindopril

• Potassium Phosphate IV

• Quinapril

• Ramipril

• Trandolapril

Dawa hii haipaswi kutumika kwa wagonjwa wafuatao ;

Wagonjwa wenye aleji na dawa hii au dawa jamii ya ARBs pia haipaswi kutumika pamoja na dawa ya Aliskiren kwa wagonjwa wa kisukari

Tahadhali kwa watumiaji wa Eprosartan

Dawa hii inapaswa kutumika kwa tahadhari kwa wagonjwa wafuatao;

• Wagonjwa wenye historia ya angioedema

• Wagonjwa wenye Haipotension

• Wagonjwa wenye shida ya figo

• Wagonjwa wenye haipovolemia

Matumizi ya Eprosartan mama mjamzito

Dawa hii inapaswa kutumika katika hali ya dharura tu pale ambapo hakuna dawa, mama akitumia dawah ii hweza kusababisha madhara kwa mtoto ambayo ni haipotension,figo kuferi na kifo

Matumizi ya Eprosartan kwa mama anayenyonyesha

Haipaswi kutumika kwa mama anayenyonyesha sababu huingia kwenye kwenye maziwa.

Maudhi ya Eprosartan

Baadhi ya maudhi madogo ya dawa hii ni;

• Maambukizi ya juu ya mfumo wa upumuaji

• Kukohoa

• Haipaglycemia

• Maumivu ya mgongo

• Maumivu ya tumbo

• Maumivu kwenye misuli

• Kuchoka

• Kichefuchefu

• Neutropenia

Je endapo utasahau dozi yako ufanyaje?

Endapo ukisahau kunywa dozi yako kunywa mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako