Metoprolol

Metoprolol ni dawa inayotumika kutibu shinikizo la juu la damu, angina na kupunguza hatari ya kifo inayotokana na infaksheni ya mayokadia.

Majina ya kibiashara

Metoprolol hufahamika kwa majina mengine ya kibiashara kama;

• Dutoprol

• Kapspargo

• Lopresor

• Lopressor

• Lopressor Hct

• Toprol

Kundi la dawa

Metoprolol ipo kwenye kundi la dawa linaloitwa beta bloka.

Ufyonzwaji wa Metoprolol

Metoprolol hufyonzwa vyema kwenye mfumo wa chakula na huingia kwenye mzunguko wa damu, kiwango cha juu kabisa kwenye damu hufikiwa ndani ya saa 1 mara baada ya kunywa dawa.

Metoprolol na chakula

Tumia dawa hii pamoja na chakula ili kuongeza ufyonzaji wak. Unaweza kutumia Metoprolol pamoja na chakula au mara baada ya kula.

Muda wa kuanza kufanya kazi na nusu maisha ya Metoprolol

Madhara ya kitiba ya Metoprolol huanza kuonekana ndani ya saa 1kwa dawa ya kunywa ikitegemea dozi ya dawa na ndani ya dakika 20 kwa dawa ya kuchoma kwenye mishipa. Metoprolol hudumu kwenye damu kwa angalau kwa masaa 3-12 baada ya kunywa tembe ya dawa.

Umetaboli wa Metoprolol

Dawa hii hufanyiwa metabolizimu kwenye ini na asilimia 50 tu ya dawa mama huweza kupita kama ilivyo kwenda kwenye mzunguko wa damu mara baada ya kupita kwenye ini.

Utoaji Metoprolol mwilini

Mwili hutoa Metoprolol kwenye mzunguko wa damu asilimia 95 kwa njia ya mkojo.

Fomu na uzito wa Metoprolol

Metoprolol hupatikana katika fomu ya maji au kidonge chenye uzito wa;

25mg

50mg

100mg na

200mg

Namna Metoprolol inavyofanya kazi yake

Dawa jamii ya beta bloka ikiwa pamoja na Metoprolol hufanya kazi zifuatvyo ili kupunguza shinikizo la damu la juu;

Hufanya kazi kwa kuzuia ufanyaji kazi wa homoni epinefrini na kusisimuliwa kwa seli za beta adrenejik zilizo kwenye mishipa ya damu.

Kwa kufanya hivi hupunguza mapigo ya moyo, shinikizo la damu na upunguza mzigo wa damu kwenye Moyo na kuruhusu mzunguko wa damu kuwa mzuri mwilini

Dawa kundi moja na Metoprolol

Dawa hii ipo katika kundi sawa na dawa zifuatazo:

• Acebutolol (Sectral)

• Betaxolol (Kerlone)

• Bisoprolol (Zebeta, Ziac)

• Carteolol (Cartrol)

• Carvedilol (Coreg)

• Labetalol (Normodyne, Trandate)

• Nadolol (Corgard)

• Nebivolol (Bystolic)

• Penbutolol (Levatol)

• Pindolol (Visken)

• Propanolol (Inderal)

• Sotalol (Betapace)

• Timolol (Blocadren)

Metoprolol inatibu nini?

Metoprolol hutumika katika matibabu ya;

• Shinikizo la juu la damu

• Magonjwa ya mishipa ya damu ya moyo kama Angina na Infaksheni ya mayokadia

• Moyo ulioferi

• Hutumika kupunguza hali ya kifo kutokana na infaksheni ya mayokadia

Mwingiliano wa Metoprolol na dawa zingine

Dawa hii haipaswi kutumika pamoja na dawa zifuatazo kutokana na kuwa na mwingiliano mkali;

• Acebutolol

• Betaxolol

• Bisoprolol

• Carvedilol

• Celiprolol

• Clonidine

• Digoxin

• Diltiazem

• Esmolol

• Labetalol

• Lofexidine

• Metoprolol

• Nadolol

• Nebivolol

• Penbutolol

• Pindolol

• Propranolol

• Rivastigmine

• Saquinavir

• Sotalol

• Timolol

• Verapamil

Wagonjwa wasiopaswa kutumia Metoprolol

Metoprolol haipaswi kutumika kwa wagonjwa wenye mzio dawa hii au dawa zingine jamii ya Beta bloka

Angalizo la Metoprolol

Dawa hii inapaswa kutumika kwa tahadhari kwa wagonjwa wafuatao;

• Wagonjwa wenye haipathairodizim

• Wagonjwa wenye shida ya figo

• Wagonjwa wenye shida ya Ini

• Wagonjwa wenye shida ya Moyo kuferi

• Wagonjwa wenye umri mkubwa

Metoprolol na ujauzito

Metroprolol inahauriwa kutumika kama hakuna dawa nyingine salama wakati wa ujauzito.

Metoprolol kipindi cha kunyonyesha

Metoprolol huingia kwenye maziwa ya mama anayenyonyesha kiasi kidogo hivyo itumike kwa uangalifu kwa mama anayenyonyesha.

Madhara ya Metoprolol

Baadhi ya maudhi madogo ya dawa hii ni pamoja na :

• Kizunguzungu

• Maumivi ya kichwa

• Msongo wa mawazo

• Kuharisha

• Konstipesheni

• Tumbo kujaa gesi

• Kichomi

• Kutapika

• Kutoka jasho isivyo kawaida

• Kutokwa na vipele

• Miguu kuwa baridi

• Kuchoka mwili

Je, kama umesahau dozi ya Metoprolol ufanyaje?

Kama umesahau kutumia dozi yako ya Metoprolol, tumia mara pale utakapokumbuka. Kama muda wa dozi inayofuata umekaribia sana, subiri muda ufike ili utumie dozi hiyo kisha kuendelea kama ulivyoshauriwa na daktari wako.