Nizatidine

Nizatidine ni dawa ya kuzuia uzalishaji tindikali inayotumika katik amatibabu ya kucheua tindikali na maradhi mengine yanayotokana na uzalishaji wa tindikali.

Majina ya kibiashara

Majina mengine ya Nizatidine ni

• Axid

• Acinon

• Zanizal

• Nizax

• Calmaxid

• Cronizat

Fomula ya kikemikali

Fomu ya kikemia ya Nizatidine ni C12H21N5O2S2

Jina la kisayansi (IUPAC)

Jina la kisayansi la Nizatidine ni (E)-1-N'-[2-[[2-[(dimethylamino)methyl]-1,3-thiazol-4-yl]methylsulfanyl]ethyl]-1-N-methyl-2-nitroethene-1,1-diamine

Nizatidine hutibu nini?

Nizatidine hutumiika kutibu hali zifuatazo ikiwa yenyewe au mchanganyiko na dawa zingine;

• Vidonda vya tumbo

• Kiungulia

• Kucheua tindikali(GERD)

• Kutibu michubuko kwenye koo la chakula ilivyo sababishwa na michubuko ya tindikali (kiungulia).

• Husaidia kuzuia damu kuvuja kwenye njia ya juu ya mfumo wa chakula

• Hutumiwa wakati mgonjwa akipewa dawa ya usingizi kwa dharura ili kuzuia mgonjwa asicheue tindikali kutoka tumboni.

• Zollinger-Ellison

Fomu na uzito wa Nizatidine

Nizatidine hupatikana katika;

Kidonge:-

• Miligramu 75

Tembe

• Miligramu 150

• Miligramu 300

Kimiminika

• Miligramu 15/mililita

Chakula na Nizatidine

Dawa hii inaweza kutumiwa pamoja na au bila chakula.

Sigara na Nizatidine

Epuka matumizi ya sigara wakati wa kutumia nizatidine.

Ufanyaji kazi wa Nizatidine

Nizatidine huzuia homoni ya histamine ambayo huchochea kutengenezwa kwa tindikali tumboni ili isishiriki katika kazi hiyo.

Ufyonzwaji wa Nizatidine

Nizatidine hufyonzwa na kuingia kwenye damu kwa asilimia 50 kama ikimezwa, na asilimia 90-100 kama ikichomwa kwenye msuli au ndani ya mshipa wa damu.

Muda wa kuanza kazi

Nizatidine huanza kufanya kazi dakika 30 baada ya kumezwa. Ufanisi wake hufika kilele baada ya saa 0.5 -3 baada ya kumezwa na huweza kufanya kazi mwilini hadi kwa saa 10.

Nusu maisha ya dawa

Asilimia 50 ya kiini cha nizatidine hutolewa nje ya mwili kati ya saa 3- 11 baada ya kumezwa.

Nizatidine na chakula

Ufyonzwaji wa nizatidine hauathiriwi na chakula hivyo dawa hii inaweza kumezwa na chakula ama pasipo chakula.

Umetaboli wa Nizatidine

Dawa hii hufanyiwa umetaboli kwenye ini kabla ya kuanza kufanya kazi.

Utoaji Nizatidine mwilini

Asilimia 90 ya dawa hutolewa baada ya masaa 12 kupitia mkojo na chini ya asilimia 6 hutolewa kwa njia ya kinyesi

Wagonjwa wasiopaswa kutumia Nizatidine

Nizatidine haipaswi kutumika kwa wagonjwa wenye aleji na dawa ya nizatidine.

Tahadhari ya nizatidine

Matumizi ya nizatidine kwa wazee na wenye shida ya figo dawa hii inaweza kusababisha yafuatayo:-

• Kuchanganyikiwa

• Kuona maruweruwe

• Kupata degedge

• Mwili kukosa nguvu

Kwa wagonjwa wenye saratani ya tumbo, kupata nafuu wakati anatumia dawa hii haimaanishi kua saratani imetibika.

Nizatidine isiposaidia kutibu kiungulia baada ya majuma 6-8 ni vyema daktari akafikiria juu ya kutumia dawa za kundi la proton pump inhibita kama dawa mbadala pamoja na vipimo zaidi.

Matumizi ya muda mrefu ya nizatidine yanaweza kusababisha upungfu wa vitamini B 12.

Nizatidine itumike kwa tahadhari kwa wagonjwa wenye matatizo ya figo na ini.Ufuatiliaji wa karibu unahitajika kwa wagonjwa hawa.

Dawa zenye mwingiliano na Nizatidine

Nizatidine hupendelewa zaidi ya cimetidine ikiwa mgonjwa anatumia warfarin au theophllyne kwakua nizatidine haiathiri utendaji kazi wa dawa hizi kama ilivyo cimetidine.

Nizatidine hupunguza ufanisi wa dawa zifuatazo zinazotegemea sana hali ya tindikali tumboni ili kufanya kazi vizuri na kufyonzwa:-

Ketoconazole

Itraconazole

Digoxin

Dawa za chumvi zenye madini ya chuma

Erlotinib

Dasatinib

Dawa zifuatazo hupunguza ufyonzwaji wa nizatidine:-

• Sodium bicarbonate

• Calcium carbonate

• Magnesium dihydroxide

• Magnesium carbonate

• Magnesium trisilicate

• Aluminium hydroxide

• Metoclopramide

Uvutaji wa sigara hupunguza kwa kiasi kikubwa ufyonzwaji wa nizatidine hivyo ni vyema kuepuka matumizi ya sigara.

Nizatidine huongeza kiwango cha nifedipine kwenye damu kwa 30%

Nizatidine huongeza kiwango cha diazepam kwenye damu.

Matumizi wakati wa ujauzito

Dawa hii inaweza kutumika kama faida ni kubwa kuliko madhara kwa mtoto, hata hivyo inashauriwa kutumia dawa salama zaidi. Soma zaidi kuhusu daw ahii kwenye makala za dawa na ujauzito.

Matumizi wakati wa kunyonyesha

Dawa hii hufika kwenye maziwa ya mama na hivyo ni vyema kuepuka kuitumia wakati wa kunyonyesha na kutumia dawa salama zaidi. Ikibidi kuitumia basi tahathari lazima zichukuliwe.

Maudhi ya Nizatidine

Maudhi madogo madogo ya nizatidine

• Maumivu ya kichwa (asilimia 17)

• Maumivu ya tumbo

• Mwili kuchoka

• Kutopata choo

• Kuharisha

• kizunguzungu

• kukosa usingizi

• kichefuchefu

• Kuwashwa mwili.

• upungufu wa damu ( chini ya asilimi 1)

• Matatizo ya ini (chini ya asilimia 1)