Omeprazole

Omeprazole ni dawa iliyopo kwenye kundi la protoni pumpu inhibita ambayo hutumika kutibu magonjwa mbalimbali yanayotokana na kuzalishwa kwa wingi kwa tindikali za tumbo.

Majina ya kibiashara

Majina mengine ya Omeprazole ni

• Prilosec

• Losec

• Antra

• Omeprazon

• Audazol

• Omapren

Fomula ya kikemikali ya Omeprazole

Fomula ya kikemia ya Omeprazole ni C17H19N3O3S

Jina la kisayansi la Omeprazole

Omeprazole huwa na jina la kisayansi la 6-methoxy-2-[(4-methoxy-3,5-dimethylpyridin-2-yl)methylsulfinyl]-1H-benzimidazole

Omeprazole hutibu nini?

Omeprazole hutumika yenyewe au pamoja na dawa zingine katika matibabu ya;

• Vidonda vya tumbo.

• Vidonda vya tumbo vinavyo sababishwa na dawa zilizopo kwenye kundi la NSAID.

• Sindromu ya Zollinger-Ellison

• Kupunguza ualishaji wa tindikali tumboni kabla au baada ya kufanyiwa upasuaji.

• Kucheua tindikali

• Kutibu michubuko ya koo la chakula kutokana na tindikali

Fomu na uzito wa Omeprazole

Kidonge cha miligramu

• 20 au

• 40

Tembe za;

• Miligramu 10 (kwa watoto)

• Miligramu 20

• Miligramu 40

Dozi iliyo katika hali kimiminika

• Miligramu 2 kwa mililita 1 (2mg/ml)

Ufanyaji kazi wa Omeprazole

Huzuia hatua za mwisho za utengenezaji wa tindikali (acid) tumboni. Hili ni muhimu katika kutibu vidonda vya tumbo na kiungulia.

Ufyonzwaji wa Omeprazole

Hufyonzwa kwa asilimia 30 hadi 40 kwenda kwenye damu baada ya kumeza

Umetaboli wa Omeprazole

• Huchakatwa kwenye ini ili iweze kufanya kazi na kuondoa sumu.

• Huanza kufanya kazi saa 1 baada ya kumezwa.

• Huweza kufanya kazi mwilini hadi kwa saa 73.

Nusu maisha Omeprazole

Nusu maisha ya Omeprazole kati ya saa 0.5 hadi 1.

Utoaji wa Omeprazole mwilini

Taka mwili za mabaki ya omeprazole hutolewa kwenye mkojo (asilimia 77) na kinyesi (asilimia 19).

Wagonjwa wasiopaswa kutumia Omeprazole

Wagonjwa wenye aleji na omeprazole

Angalizo la omeprazole

• Kuhara wakati wa mgojwa anatumia omeprazole kunaweza kusababishwa na baktreria Clostridium difficile na sio dawa.

• Kutumia dawa hii kwa muda mrefu kunaweza kudhohofisha mifupa na kusababisha mifupa kuvunjika kwa urahisi.

• Matumizi ya muda mrefu yanaweza kusabisha kushuka kwa kiwango cha magnesium kwenye damu.

• Inaeeweza kusababisha baadhi vipomo kwenye mfumo homoni na tezi kutoa majibu yasiyo sahihi kutokana na kuongezeka kwa kiwango cha ChoromograninA kwenye damu.

• Epuka kutumika dawa hii kwa pamoja na dawa rimfampicin kwani rimfampicin hupunguza kiwango cha omeprazole kwenye damu.

• Punguza dozi ya omeprazole kwa wagonjwa wenye shida ya ini.

Muingiliano wa Omeprazole na dawa nyingine

Dawa za kupunguza makali ya VVU atazanavir na nelfinavir, kiwango chake kwenye damu hupungua kama ikitolewa pamoja na omeprazole.

Saquinavir ambayo nayo hutumikka kupunguza makali ya VVU ufyonzwaji wake huengezeka endapo ikitumika pamoja na omeprazole.

Kiwango cha dawa zifuatazo kwenye damu huongezeka pindi zikitumiwa na omeprazole;

• Clopidogrel

• Tacrolimus

• Methotrexate

Hupunguza utendaji kazi wa dawa zifuatazo;

• Ketoconazole

• Itraconazole

• Digoxin

• Dawa za chumvi zenye madini ya chuma

• Erlotinib

• Dasatinib.

• Kutumia dawa hii pamoja na Clarithromycin pamoja na dawa nyingine kunaweza sababisha madhara. Hivyo daktari lazima afahamu atakavyo itumia na dawa nyingine.

• Kutumia kwa pamoja na dawa ya warfarin inaweza kusababisha kuvuja damu nyingi na kuhatarisha maisha. Inabidi kufuatilia muda wa prothrombini.

Omeprazole kwenye ujauzito

Dawa itumike kwa tahadhari kama faida ya kutumia ni kubwa kuliko madhara; Majaribio kwa wanyama yanaonesha madhara na majaribio kwa binadamu hayajafanyika. Au majaribio kwa wanyama na kwa binadamu hayajafanyika.

Omeprazole wakati wa kunyonyesha

Wakati wa kunyonyesha, mama asitumie aache kutumia omeprazole au mtoto aachishwe kunyonya kwa sababu dawa hii inaweza kusababisha madhara kwa mtoto. Uamuzi unategemea umuhimu wa dawa kwa mama kwa wakati huo.

Maudhi ya omeprazole

Maudhi madogo madogo ya Omeprazole

• Maumivu ya kichwa(7%)

• Maumivu ya tumbo(5%)

• Kuharisha(4%)

• Kichefuchefu(4%)

• Kutapika(3%)

• Kujamba(3%)

• Kutopata choo(2%)

• Kizunguzungu (2%)

• Vipele kwenye ngozi(2%)

• Kikohozi(1%)

Endapo umesahau dozi yako ya Omeprazole ufanyenini?

Dawa umesahau dozi ya omeprazole, tumia mara pale utakapokumbuka. Kama muda wa dozi nyingine umekaribia sana, subiri muda ufike kisha utumie dozi moja na kuendelea kama ulivyopangiwa na daktari wako.