Dawa ya Sulconazole

Sulconazole ni dawa mojawapo ya kutibu magonjwa ya fangasi iliyoko katika kundi la dawa linaloitwa antifangasi aina ya Imidazole. Dawa hii huwa maarufu pia kwa jina la Exelderm

Sulconazole hupatikana katika mfumo wa krimu yenye uzito na ujazo mbalimbali.

Namna dawa inavyofanya kazi ili kutibu fangasi

Dawa hii ya Sulconazole hufanya kazi zake kwa kuharibu ukuta wa seli ya fangasi. Sulconazole na aina nyingine za dawa ya fangasi hufanya kazi kwa kuzuia utengenezaji wa ergosteroli ambayo huhitajika kwa ajili ya kutengeneza ukuta wa seli ya fangasi. Egosteroli huwa muhimu sana kwenye seli ya fangasi. Kama ergosteroli haitengenezwi, seli ya fangasi hushindwa kutengeneza ukuta wake wan je na hufa.

Dawa hii ipo katika kundi moja sawa na dawa zifuatazo:

• Amphotericin B

• Butoconazole

• Capsofungin

• Ciclopiro

• Econazole

• Fluconazole

• Flucytosine

• Griseofulvin

• Itraconazole

• Ketoconazole

• Miconazole

• Naftifine hydrochloride

• Nystatin

• Oxiconazole nitrate

• Terbinifine

• Terconazole

• Tioconazole

• Tolnaftate

• Voriconazole

Kazi za hii dawa ni kama ifuatavyo:

Hutumika kwenye matibabu ya fangasi aina ya Tinea.

Dawa hii haipaswi kutumika kwa wagonjwa wafuatao:

Wagonjwa wenye aleji na dawa hii au jamii ya dawa za Antifangasi

Kundi la dawa kipindi cha ujauzito

Dawa hii ipo kwenye kundi C la usalama wa dawa kipindi cha ujauzito

Matumizi kwa mama mjamzito na anayenyonyesha

Dawa hii hushauriwa kutumika endapo faida zinazidi madhara au pale ambapo hamna dawa nyingne mbadala wakati wa kipindi cha ujauzito.

Matumizi wakati wa kunyonyesha

Takwimu hazionyeshi kuwa kuna huwezekano wa hii dawa kuingia au hapana kwenye maziwa ya mama hivyo inashauriwa itumike kwa wamama wanaonyonyesha kwa huangalifu mkubwa.

Baadhi ya maudhi madogo ya dawa hii ni pamoja na :

Kuwashwa mwilini

Kuhisi kuungua mwilini

Je endapo utasahau dozi yako ufanyaje?

Endapo umesahau kutumia dozi yako, paka mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako.