Glyclopyramide

Glycopyramide ni dawa inayotumika kuthibiti kupanda kwa kiwango cha sukari wkenye damu kwa wagonjwa wa kisukari aina ya Pili. Dawa hii ipo katika kundi la dawa linaloitwa sulfonylurea kizazi cha pili na huweza kusababisha mgonjwa akakojoa mara kwa mara.

Ukilinganisha na dawa zingine katika kundi hili, glycopyramide inafanya kazi kwa ufanisi mkubwa zaidi huku ikiwa na madhara kidogo mwilini.

Majina ya kibiashara

Jina la kibiashara la Glyclopyramide ni Deamelin

Fomula ya kikemikali

Fomu ya kikemikali ya Glyclopyramide ni C11H14ClN3O3S

Jina la kisayansi (IUPAC)

Jina la kisayansi la Glyclopyramide ni 1-(4-chlorophenyl)sulfonyl-3-pyrrolidin-1-ylurea

Namna ya kutumia Glyclopyramide

Meza kama ulivyo elekezwa na daktari wako.

Ufanyaji kazi wa Glyclopyramide

• Inachochea seli beta za kongosho kuzalisha homoni insulin ambayo ndiyo hushusha sukari kwenye damu.

• Inapunguza kasi ya ini kutengeneza sukari

• Inaongeza uwezo wa ufanisi wa vipokezi vya homoni insulin kwenye seli za mwili hivyo homoni hii kufanya kazi vizuri.

Umetaboli wa Glyclopyramide

• Hufika kwenye damu baada ya kufyonzwa kutoka kwenye mfumo wa mmeng'enyo wa chakula.

• Huchakatwa na mwili kwenye ini ili iweze kufanya kazi na kuondoa sumu.

• Sehumu kubwa ya takamwili za mabaki ya dawa hii hutolewa kwa njia ya mkojo.

Muingiliano wa Glyclopyramide na dawa zingine

Dawa zifuatazo zinaweza kuongeza ufanisi wa glycopyramide;

• 
  

• Chloramphenicol

• Clofibrate

• Fluconazole

• Methyldopa

• Isocarboxazid

• (Marplan)

• Phenelzine (Nardil)

• Tranylcypromine (Parnate).

• Choline salicylate

• Diflunisal

• Magnesium salicylate

• Salsalate

• Sodium salicylate

• Sodium thiosalicylate

• Sulfamethizole

• Sulfamethoxazole

• Sulfasalazine

• Sulfisoxazole

• Trimethoprim

• Trimethoprim–sulfamethoxazole

• Trisulfapyrimidine

• Trovafloxacin

Dawa zifuatazo zinaweza kupunguza ufanisi wa glycopyramide;

• Vidonge vya uzazi wa mpango

• Amlodipine

• Bepridil

• Diltiazem

• Nicardipine

• Nifedipine

• Verapamil

• Betamethasone

• Budesonide

• Dexamethasone

• Dexone,

• Hydrocortisone

• Sodium phosphate

• Isoniazid

Nani asuyepasw akutumia Glyclopyramide

Marufuku kwa wagonjwa wafuatao;

• Wagonjwa wenye aleji na kemikali zenye salfa.

• Wagonjwa wa sukari inayotibika kwa insulini pekee (sukari aina ya kwanza).

• Wagonjwa ambao figo zinashindwa kufanya kazi.

Maudhi madogo ya Glyclopyramide

• Kizunguzungu

• Maumivu ya kichwa

• Kichefuchefu

• Kuwashwa ngozi

• Kuharisha

• Maumivu ya tumbo

Madhara makubwa ya Glyclopyramide

• Kiwango cha sukari kwenye damu kushuka kupita kiasi

• Kupoteza fahamu

• Mzio mkali wa sindromu ya Steven Johnson

• Ini kushindwa kufanya kazi

• Degedege.

Matumizi ya Glyclopyramide wakati wa ujauzito na kunyonyesha

Kama ikitumiwa wakati wa ujauzito, wakati wa kuzaliwa mtoto kuna hatari ya mtoto kuzaliwa na kiwango kidogo cha sukari kwenye damu, kushindwa kupumua na kupitiliza muda wa kuzaliwa.Kama ililazimu mama kutumia dawa hii basi mama anapaswa kuacha kuitumua wiki 2 kabla ya siku ya matarajio ya kujifungua.

Pia ni vizuri kuacha kutumia wakati wa kunyonyesha, na ikibidi kutumia basi mtoto anaenyonya atawekwa kwenye uangalizi wa karibu kwa kuangalilia dalili kama vile kuwa wa blue mdomoni viganja na miguu, kulala kupita kiasi, kushindwa au kunyonya kwa udhahifu na degedege.