Dalili za mimba ya mwezi mmoja

Utangulizi

Mimba ya mwezi mmoja ni sawa na ujauzito wa wiki nne. Dalili katika kipindi hiki husababishwa na muitikio wa mwili katika mabadiliko ya vichochezi vya ujauzito, dalili hizo hufanana na dalili zinazotokea kabla ya kuingia hedhi na hutofautiana kati ya mtu na mtu.

Je, ni zipi dalili za ujauzito wa mwezi mmoja?

Dalili kuu inayoonekana katika mimba ya mwezi mmoja ni kukosa hedhi na kuambata na miongoni mwa dalili zifuatazo;

• Kichefuchefu

• Kutapika

• Hisia za gesi tumboni

• Hisia ya kuvimbiwa

• Matiti kujaa au kuuma

• Kukojoa mara kwa mara

• Uchovu mkali

• Maumivu ya nyonga

• Maumivu ya kubana na kuachia tumbo la chini

• Joto la mwili kuongezeka

Mambo ya kuzingatia

• Dalili nyingi za ujauzito wa mwezi mmoja hufanana na zile za kabla ya kuingia hedhi

• Endapo unahisi dalili  tajwa hapo juu na hujaingia hedhi fanya kipimo cha ujauzito kuwa na uhakika zaidi

• Katika makala hii maneno ujauzito na mimba yametumuka kumaanisha kitu kimoja

Wapi utapata maelezo zaidi?

Ili  kupata maelezo zaidi kuhusu ujauzito wa mwezi mmoja bofya hapa https://www.ulyclinic.com/umri-wa-mimba-kwa-miezi/mimba-ya-mwezi-mmoja. Unaweza pia kutazama video kuhusu mimba ya mwezi mmoja kwa kubofya hapa https://youtu.be/y-x6GXvAcQg?si=CFYUIUSkd0clg8sm