Ni madini yanayofanya kazi nyingi mwilini, madini haya hayatengenezwi mwilini, ila yanapatikana kwenye vyakula. Unapaswa kula vyakula vyenye madini haya kwa wingi ili kuzuia upungufu wake na madhara yanayoweza kujitokeza.

Umuhimu wa zinki

Zinki huhitajika mwilini kwa ajili ya;

• Shughuli za vimeng’enya

• Kuimarisha mfumo wa kinga mwilini

• Utengenezwaji wa protini

• Utengenezwaji wa DNA

• Kuponya vidonda

• Ukuaji na maendeleo ya mwili

• Kuzuia kuharisha kwa kuponya mfumo wa Gastrointestino

Madini haya hupatikana wa wingi kwenye mimea na vyakula vya Wanyama

Kazi za zinki mwilini

• Husaidia kuchochea vimeng’enya zaidi ya 300 ambao hutumika katika umeng’enyaji wa chakula

• Huimarisha mfumo wa kinga za mwili na kusaidia mwili upambane na maradhi.

• Hutumika katika uzalishaji wa protini muhimu mwilini na utengenezwaji wa DNA

• Huongeza kasi ya uponyaji wa vidonda

• Hutumika kuondoa chunusi, watu wengi ambao hupata chunusi ni wale ambao wana madini ya zinc kwa uchache ,hivyo kutumia vyakula vyenye madini ya zinki au dawa mbadala huweza kutoa chunusi

• Hupunguza inflamesheni kwenye seli

Dalili za upungufu wa zinki

• Huathiri mfumo wa kinga ya mwili

• Huathiri ukuaji na maendeleo ya mwili

• Huchelewesha ukuaji kijinsia

• Kutokwa na vipele kwenye ngozi

• Kuhara

• Vidonda kutokupona mapema

Vyanzo vya madini zinki

• Samaki jamii ya shellfish

• Nyama

• Nyama za Wanyama jamii ya ndege

• Mboga jamii ya kunde

• Mayai

• Mbegu zisizokobolewa

• Baadhi ya mboga za majani kama bamiia,uyoga na kunde

Zipo dawa za mbadala za kutumia kwa mtu mwenye upungufu wa madini ya zinki

Dawa hizi hutolewa katika mfumo wa tembe, vidonge na maji

Dawa hizi zinapotolewa kwa wingi huweza kupelekea madhara kama;

• Kichefuchefu

• Kutapika

• Kuharisha

• Maumivu ya tumbo

• Kubana kwa tumbo

• Kupua kwa kinga ya mwili

Ili kuepuka dozi kubwa unapaswa kutumia kwa dozi jinsi ambavyo utakuwa umeelekezwa na daktari

Mama mjamzito na anayenyonyesha mahitaji ya madini haya huongezeka kufikia miligramu 11 hadi 12 kwa siku