Vitamini ni kiinirishi cha msingi kinachohitajika kwa ajili ya ukuaji wa mwili wako na kuupa afya njema. Huhitajika kwa kiwango kidogo tu na hupatikana katika vyakula unavyokula. Vitamini D huhitajika kwa ajili ya kuimarisha mifupa na meno.

​

Upungufu wa vitamin D

Upungufu wa vitamini D huweza kusababisha tatizo la kukunjika kwa mifupa ya miguu haswa kwa watoto linaloitwa rickets, miguu na meno huwa dhaifu. Kwa watu wakubwa meno na mifupa huwa dhaifu hali hii huitwa osteomalacia. Kiwango cha madini ya calisium hupotea kutokana na upungufu wa vitamini D mwilini.

Matibabu ya upungufu wa vitamin D

Daktari wako atakupatika dawa yenye vitamini D ili kutibu upungufu wa vitamini D, ikiwa pia unatatizo ndani ya mwili yako juu ya matumizi ya madini ya kalisium daktari pia anaweza kukupa vitamini D ili kurekebisha tatizo hilo.

​

Magonjwa na hali zinazoongeza matumizi ya vitamin D

Baadhi ya hali ama magonjwa yanayoongeza utumiaji wa vitamini D ni haya;

• Unywaji wa pombe wa kukithiri

• Magonjwa ya utumbo

• Magonjwa ya figo

• Magonjwa ya ini

• Kufanya kazi kulikopitiliza kwa tezi ndogo ya shingoni iitwayo parathyroid

• Ugonjwa wa kongosho

• Kuondolewa kwa mfuko wa chakula/tumbo.

​

Kina nani wanapswa kupata nyongeza ya vitamin D

Kwa nyongeza, vichanga-watoto wanaonyonya na watu ambao hawapati mwanga wa jua, pia watu weusi huwa hatarini kuwa na upungufu wa vitamin D. Daktari wako atakuambia kuongeza kiwango cha madini ya vitamin D endapo kiasi unachopata ni kidogo.

Alfacalciferol, calciferol, calcitriol na dihydrotachysterol ni aina tofauti za vitamini D ambazo hutumika kutibu tatizo la upungufu wa madini ya kalisium katika damu. Aina hizi pia hutumika katika matibabu ya aina Fulani ya magonjwa ya mifupa yanayoweza kutokea kwa wagonjwa wa figo wanaotumia mashine mbadala wa figo.

​

Kuna madai pia kwamba vitamini D huweza kutibu magonjwa ya maungio kama magoti na kuzuia tatizo la kutoona karibu. MAdai haya bado hayajathibitishwa.