Mijadala

Vidonge vya kupata hedhi ni vidonge ambavyo ukitumia vitanzisha hedhi. Vidonge hivi huweza kushauriwa na daktari kutumika endapo hedhi imechelewa kwa sababu mbalimbali. Ufanyaji kazi wa vidonge vya kupata hedhi Kampaundi za vidonge vya kuanzisha hedhi hufikiriwa kufanya kazi kwa kuathiri moja kwa moja mfumo wa uzazi au kutibu tatizo jingine ambali husababisha kutoingia mwezini. Orodha ya vidonge vya kuanzisha hedhi Vifuatavyo ni vidonge vya kupata hedhi; • Mifepristone • Misoprostol   Tahadhali ya matumizi ya dawa za kuanzisha hedhi Dawa hizi zinaweza kusababisha mimba kutoka, na kusababisha utokwe na damu nyingi endapo unatatizo la kutokwa damu, usitumie kabla ya kushauriwa na daktari wako ili kuepuka madhara yoyote yanayoweza kutokea. Ungependa kufahamu kuhusu dawa za kukata hedhi? Unaweza kusoma kuhusu vidonge vya kukata hedhi (vidonge vya kuzuia hedhi) kwenye makala nyingine ndani ya tovuti yetu. Wapi utapata taarifa zaidi kuhusu vidonge vya kupata hedhi? Wasiliana na daktari wako endapo unahitaji maelezo zaidi kuhusu dawa ya kuanzisha hedhi. Pia unaweza kuuliza maswali kwa daktari wa ULY CLINIC kwa huduma za ushauri na tiba mtandaoni katika linki chini ya tovuti hii. Rejea za mada hii 1. Drugbank. Menstruation-Inducing Agents. https://go.drugbank.com/categories/DBCAT001155. Imechukuliwa 16.11.2025 2. Springer nature. Menstruation induction. https://link.springer.com/chapter/10.1007/978-1-4471-1931-9_7. Imechukuliwa 16.11.2025 3. Xiao B, et al. Menstrual induction with mifepristone and misoprostol. Contraception. 2003 Dec;68(6):489-94. doi: 10.1016/j.contraception.2003.09.009. PMID: 14698080.

Ni kawaida mwanamke kutokwa na ute mweupe usio na harufu au wenye harufu kiasi kabla na wakati wa ujauzito. Hali ya kutokwa na ute huongezeka wakati wa ujauzito kutokana na ongezeko la homoni estrojeni kwenye damu inayotoa maelekezo ya kuongeza uzalishaji wa ute huu ukeni. Aidha kutokwa na ute ukeni si tu kunaweza maanisha uwepo wa mimba, bali unaweza maanisha mwanamke anaingia kwenye kipindi cha uovuleshaji endapo hana mimba. Kipindi cha uovuleshaji ni kipindi cha hatari kushika mimba kinachodumu kwa masaa 24 hadi 36. Mwanamke akishiriki ngono wakati huu anaweza kubeba ujauzito.   Sifa za ute mweupe ulio kawaida wakati wa ujauzito Mara nyingi huwa mweupe kama maji au karatasi • Hauna harufu au kuwa na harufu kiasi • Awali huwa mzito na baadae huwa mwembamba • Huongezeka ujauzito unavyokuwa   Ute mweupe wakati wa uovuleshaji Huwa na sifa zifuatazo • Mweupe • Huwa mzito awali na baadae huwa mwembamba na kuteleza • Huweza kuonekana na weupe wa ute wa yai • Huwa hauna harufu • Huwa hauleti bugudha   Dalili nyingine za mimba Dalili zingine za ujauzito ni pamoja na; • Kutokwa damu • Mabadiliko ya chuchu kama kuvimba, na kuuma • Kichefuchefu na kutapika • Kutoingia mwezini • Kutokwa matone ya damu • Mumivu ya tumbo la chini • Hisia za uchovu   Je, unathibitishaje kuwa una mimba? Ili kuthibitisha kuwa una ujauzito, unapaswa kufanya vipimo. Kwa wiki za awali, vipimo vya sasa vya mkojo huwa havionyeshi uwepo wa mimba, hivyo utabidi kufanya ultrasound. ENdapo kipimo cha ultrasound kitafanyika na mtaalamu, ataweza kuona dalili za uwezo wa mimba. Rejea za mada hii 1. How much vaginal discharge is normal? (2024). https://www.plannedparenthood.org/blog/how-much-vaginal-discharge-is-normal. Imechukuliwa 17.11.2024 2. ULY CLINIC. Dalili za ujauzito. https://www.ulyclinic.com/dalili-za-ujauzito . Imechukuliwa 17.11.2024 3. ULY CLINIC. Dalili za ujauzito wa wiki moja. https://www.ulyclinic.com/dalili-za-ugonjwa/dalili-za-ujauzito-wa-wiki-moja. Imechukuliwa 17.11.2024 4. Signs and symptoms of pregnancy. (2022). 5. https://www.nhs.uk/pregnancy/trying-for-a-baby/signs-and-symptoms-of-pregnancy/. Imechukuliwa 17.11.2024 6. Vaginal discharge. (2024). https://www.nhs.uk/conditions/vaginal-discharge/. Imechukuliwa 17.11.2024 7. Vaginal discharge during pregnancy. (2022). https://www.pregnancybirthbaby.org.au/vaginal-discharge-during-pregnancy. Imechukuliwa 17.11.2024

Baada ya kutoa mimba, dalili za mimba huendelea kupungua na kuisha kabisa, mabadiliko haya ya dalili huendana na kiwango cha homoni ya ujauzito mwilini yaani bHCG. Homoni bHCG kwa kawaida hupungua kwenye damu kwa jinsi siku zinavyoenda baada ya kutoa mimba. Dalili zote za mimba zinazoonekana hutokana na uwepo wake na endapo homoni hii bado inaongezeka kwenye damu humaanisha mimba bado inaendelea. Dalili za ujauzito baada ya kutoa mimba   Je, inachukua muda gani kwa dalili za mimba kuisha baada ya kutoa mimba? Kwa kawaida, huchukua siku 2 hadi 14 kwa dalili za mimba kupotea na kuisha kabisa baada ya kutoa mimba, hata hivyo baadhi ya wanwake wanaweza kuendelea kuona dalili ambazo si kali hadi wiki 4 baada ya kutoa mimba kama kuna masalia ya tishu za mimba kwenye kizazi au kama alikuwa na ujauzito wa zabibu. Dalili za chuchu kuvimba na kuuma mara nyingi huchukua muda mrefu kuisha kati ya dalili zote za ujauzito. Chuchu kuvimba   Je, Dalili za mimba baada ya kutoa mimba ni zipi? Dalili za mimba baada ya kutoa mimba zinaweza kuwa katika makundi mawili, yaani dalili za mimba inayoendelea baad ya kutoa mimba, na dalili za mimba iliyoingia baada ya kutoa mimba. Maelezo ya dalili hizo ni kama ifuatavyo:   Dalili za mimba inayoendelea baada ya kutoa mimba Kama mimba imeshindwa kutoka, dalili za mimba zilizokuwepo awali zitaendelea kuonekana na kuongezeka kwa jinsi homoni bHCG inavyoongezeka kwenye damu. Dalili hizo huwa pamoja na: • Kichefuchefu bila kutapika • Mabadiliko kwenye chuchu • Kukojoa mara kwa mara • Maumivu ya kichwa • Ongezeko la joto la mwili • Hisia za gesi tumboni • Maumivu ya wastani ya nyonga • Uchovu mkali • Kubadilika hali ya hali ya moyo (Hisia) • Kupendelea chakula aina fulani tu • Ongezeko la hisia kwenye harufu • Kuhisi ladha ya umetali   Dalili za mimba mpya baada ya kutoa mimba Baada ya kutoa mimba, unaweza kushika ujauzito mwingine ndani ya wiki 1 hadi 4 tangu mimba imetoka ikitegemea idadi ya siku katika mzunguko wako hedhi. Mimba ikitungishwa wakati huu hupelekea kuonekana kwa dalili zifuatazo; • Homa wakati wa asubuhi • Kichechefu na kutapika • Kubadilika rangi ya chuchu na kuwa na weusi uliokolea • Kuumwa kwa matiti • Hisia za uchovu • Mwili kulegea • Kukojoa mara kwa mara • Kubadilika kwa hisia ya moyo(kuwa na huzuni au furaha) • Kuvuruga kwa tumbo • Mafua • Maumivu ya kichwa • Kuchagua vyakula • Kukosa hamu ya kula • Hisia ya kizunguzungu • Kuzimia Dalili zingine zinazoonekana kwa mimba ya zaidi ya mwezi mmoja Dalili zingine amabazo huonekana baada ya mwezi mmoja kupita ni kama zifuatavyo Kutoingia mwezini (kutoona damu ya hedhi) • Tumbo Kuongezeka • Hisia za mtoto kucheza tumboni katika wiki ya 16 na kuendele • Kupata haja ngumu • Kubadilika kwa ngozi Wapi unaweza kupata maelezo Zaidi kuhudu dalili za mimba baada ya kutoa mimba? Unaweza kupata maelezo Zaidi katika makala ya dalili za mimba katika miezi kwa kubofya linki za Makala zifuatazo. • Dalili za mimba ya mwezi 1 • Dalili za mimba ya miezi 2 • Dalili ya mimba ya miezi 3 • Dalili za mimba ya miezi 4 • Dalili za mimba ya miezi 5 • Dalili ya mimba ya miezi 6 • Dalili za mimba ya miezi 7 • Dalili za mimba ya miezi 8 • Dalili ya mimba ya miezi 9   Rejea za mada hii 1. Abortion Clinics Amsterdam & Haarlem. After the day treatment or abortion pill. https://www.bloemenhove.nl/en/aftercare/after-the-treatment/#. Imechukuliwa 16.11.2024 2. van der Lugt B, et al. The disappearance of human chorionic gonadotropin from plasma and urine following induced abortion. Disappearance of HCG after induced abortion. Acta Obstet Gynecol Scand. 1985;64(7):547-52. doi: 10.3109/00016348509156360. PMID: 2417443. 3. Parents. What to Expect After an Abortion. https://www.parents.com/pregnancy/complications/your-body-after-abortion/#. Imechukuliwa 16.11.2024 4. ULY CLINIC. Dalili za mimba ya mwezi mmoja. https://www.ulyclinic.com/umri-wa-mimba-kwa-miezi/mimba-ya-mwezi-mmoja. Imechukuliwa 16.11.2024