Azuma inatibu nini?

AZUMA inatibu maradhi yanayosababishwa na vimelea wanaouliwa na dawa hii. Magonjwa yanayotibiwa na azuma yameorodheshwa hapa chini.

Magonjwa yanayotibika kwa kutumia AZUMA

Magonjwa yafuatayo huweza kutibika kwa kutumia AZUMA na wakati mwingine huhitaji kuchanganywa na dawa zingine kwa ufanisi;

• Ugonjwa wa PID iliyosababishwa na Chlamydia trachomatis, Neisseria gonorrhoeae, au Mycoplasma hominis.

• Magonjwa ya zinaa yaliyosabaishwa na Chlamydia trachomatis au Neisseria gonorrhoeae.

• Vidonda sehemu za siri kwa mwanaume viliyosababishwa na Haemophilus ducreyi (chancroid).

• Tonses au maambukizi/michomokinga kwenye koo yaliyosababishwa na Streptococcus pyogenes.

• Nimonia iliyosababishwa na Chlamydophila pneumoniae, Haemophilus influenzae, Mycoplasma pneumoniae au Streptococcus pneumoniae.

• Magonjwa ya masikio kwa watoto yaliyosababishwa na Haemophilus influenzae, Moraxella catarrhalis au Streptococcus pneumoniae.

• Magonjwa ya ngozi iliyosababishwa na Staphylococcus aureus, Streptococcus pyogenes au Streptococcus agalactiae

• Ugonjwa mkali wa kuziba kwa sainazi au ugonjwa wa michomokinga kwenye sainaz iliyosababishwa na Haemophilus influenzae, Moraxella catarrhalis au Streptococcus pneumoniae.

• COPD kali kutokana na Haemophilus influenzae, Moraxella catarrhalis au Streptococcus pneumoniae.

  
  

Tahadhali ya matumizi ya AZUMA

Kama ulishawahi pata manjano au tatizo la ini baada ya kutumia dawa azithromycin, usitumie dawa hii. Matumizi holela ya dawa pasipo kuandikiwa na daktari au vipimo husababisha vimelea kuwa sugu kwenye dawa Kabla ya kunywa azithromycin

Fahamu kwanza kama una mzio na dawa hii na dawa zingine kwenye kundi moja ambazo ni

• Clarithromycin

• Erythromycin na

• Telithromycin

  
  

Mambo ya kumshirikisha daktari kabla ya kutumia azuma

Vitu vya kumshirikisha daktari Ili kuhakikisha kuwa azithromycin itakuwa salama kwako, hakikisha unamwambia daktari kama umewahi kutibiwa magonjwa yafuatayo;

• Magonjwa ya ini

• Magonjwa ya figo

• Myasthenia gravis

• Magonjwa ya moyo

• Upungufu wa potassium kwenye damu

Wapi utapa maelezo zaidi kuhusu azuma?

Pata maelezo zaidi katika makala zifuatazo

• Azuma

• Azuma inatibu gono?

Rejea za mada

1. Azithromycin. ncbi.https://www.ncbi.nlm.nih.gov/books/NBK557766/. Imechukuliwa 15.10.2024

2. Dunne MW, Singh N, et al. A multicenter study of azithromycin, alone and in combination with chloroquine, for treating acute uncomplicated Plasmodium falciparum malaria in India. J Infect Dis. 2005 May 15;191(10):1582-8.

3. Girard AE, Girard D, et al.Pharmacokinetic and in vivo studies with azithromycin (CP-62,993), a new macrolide with an extended half-life and excellent tissue distribution. Antimicrob Agents Chemother. 1987 Dec;31(12):1948-54.

4. Romano A, Valluzzi RL,et al. Cross-Reactivity and Tolerability of Cephalosporins in Patients with IgE-Mediated Hypersensitivity to Penicillins. J Allergy Clin Immunol Pract. 2018 Sep-Oct;6(5):1662-1672.

5. Sidhu AB, Sun Q, et al. In vitro efficacy, resistance selection, and structural modeling studies implicate the malarial parasite apicoplast as the target of azithromycin. J Biol Chem. 2007 Jan 26;282(4):2494-504.