Dalili za ukimwi ni zipi?

Maswali haya yote yatajibiwa hapa. Pia maswali mengi yaliyoulizwa hapa yanafanana na hivyo majibu ya baadhi ya maswali

Utangulizi

UKIMWI ni ugonjwa sugu, unaotishia Maisha na husababishwa na Kirusi cha ukimwi (VVU)

Kirusi huyu huvamia kinga ya mwili na kuifanya iwe dhaifu kiasi cha kushindwa pambana na maradhi hivyo kufanya mtu augue magonjwa mbalimbali. Mwathirika anapopata magonjwa na dalili zake kutokana na kinga ya mwili kushindwa kufanya kazi kwa sababu ya VVU, hali hiyo hufahamika kama UKIMWI. Hivyo Tukisema UKIMWi tunamaanisha mwonekano wa dalili mbalimbali kwa mtu mwenye maambukizi ya VVU.

Matumizi ya dawa za VVU huweza kuzuia mwendelezo wa mgonjwa kupata dalili za UKIMWI

Dawa hizi kwa sasa Tanzania hutolewa Bure na muda wowote ule mara unapopata maambukizi ya ukimwi

Dalili za awali

Dalili za awali za maambukizi ya Virusi Vya Ukimwi ni pamoja na

Kupata dalili za mafua ndani ya wiki mbili toka umepata maambukizi inayoweza kudumu wiki kadhaa na kuondoka. Dalili zingine ni;

• Homa

• Maumivu ya kichwa

• Maumivu ya misuli

• Maumivu ya maungio ya mwili(jointi)

• Harara

• Koo kuwa kavu

• Vidonda mdomoni vinavyouma

• Kuvimba mitoki, haswa ya shingoni

• Kuharisha

• Kupoteza uzito(kupungua uzito)

• Kikohozi(kukohoa)

• Kutokwa jasho wakati wa usiku

Dalili hizi zinaweza kuwa za wastani na mtu anaweza asizishitukie.

Dalili za mwendelezo

Jinsi VVU vinavyozidi kuharibu mfumo wa kinga ya mwili, mwili utaanza kuonyesha dalili za UKIMWI zilizo sugu kama vile;

• Homa

• Mwili kuchoka

• Kuvimba mitoki- kama dalili ya kwanza ya maambukizi

• Kuharisha

• Kupungua uzito

• Maambukizi ya fangasi kooni

• Mkanda wa jeshi

• Nimonia(pneumonia)

Dalili za UKIMWI

Dalili za Mtu anayeelekea kupata UKIMWI au za mtu mwenye UKIMWI ni;

Dalili za UKIMWI mara nyingi huwa hazitokei kwa watu Wenye maambukizi ya VVU na tayari wamesha anza dawa mapema toka walipogundulika.

Endapo mtu hajapata dawa huchukua takribani wastani wa miaka 8 hadi 10 kupata dalili za UKIMWI

UKIMWI unapompata mtu Kinga za mwili huwa chini kiasi cha kutosha na hivyo mtu huweza kuambukizwa magonjwa mbalimbali na kuonyesha dalili za UKIMWI.

Dalili za UKIMWI ni pamoja na

• Kutokwa jasho

• Kutetemeka mwili(homa)

• Homa za kujirudia

• Tatizo sugu la kuharisha

• Kuvimba mitoki na tezi

• Tatizo sugu la Ulimi kuwa mweupe na fangasi wa kinywani

• Kuchoka mwili kusikoelezeka na kusipokuwa na sababu ya msingi

• Mwili kuwa dhaifu

• Kupoteza uzito

• Vipele na harara kwenye Ngozi

Kumbuka kuwasiliana na daktari wako kwa ushauri na tiba siku zote kabla ya kuchukua hatua yoyote baada ya kusoma makala hii.

Wasilina na daktari wa ULY clinic kwa ushauri na Tiba zaidi kupitia kitufe cha mawasiliano yetu chini ya touti hii.

Soma zaidi kuhusu VVU na UKIMWI bonyeza hapa