Damu nyingi mwilini

Damu nyingi ni hufahamika kwa jina jingine la polisaithimia au polycythemia, ni tatizo linalotokea endapo kiwango cha himoglobin ni kingi kuliko kawaida ya umri au jinsia ya mtu. Kwa mtu mzima mwanaume kiwango cha himoglobin kikizidi gramu 16.5 kwa desilita moja ya damu (16.5g/dL) au kuzidi 16g/dL kwa mwanamke, huitwa damu nyingi. Kusoma zaidi kuhusu kiwango cha damu cha kwaida kwa watoto bofya hapa.

Visababishi vya damu nyingi mwilini

Visababishi vya damu nyingi vimegawanyika katika makundi mawili, yenye jina la polisaithemia vera na polisaithemia ya sekondari. Polisaithemia vera huhusianishwa na mabadiliko ya jeni JAK2 kwenye mifupa inayopelekea uzalishaji wa damu kuliko kawaida. Polisaithemia ya sekondari husababishwa na sababu mbalimbali kama vile matumizi ya dawa za kuongeza uzalishaji damu, magonjwa ya viungo mbalimbali vya mwili, mazingira na mtindo mbaya wa maisha. Kusoma zaidi kuhusu namna gani inatokea bofya hapa.

Dalili za damu nyingi mwilini

Dalili za kuwa na damu nyingi kupita kawaida mwilini ni;

• Muwasho

• Maumivu ya kichwa

• Kizunguzungu

• Kupata majeraha kirahisi au kutokwa na damu kirahisi

• Kutokwa na jasho zaidi ya kawaida

• Maumivu na kuvimba kwa maungio

• Kupungua uzito bila sababu

• Njano kwenye macho na ngozi

• Kuchoka

• Maumivu ya tumbo

• Alama za zambarau au nyekundu kwenye ngozi

Wakati gani wa kutafuta msaada wa dataktari haraka mwenye damu nyingi?

Endapo unatatizo la damu nyingi na unapata dalili zifuatazo, unapaswa kuonana na daktari haraka kwa uchunguzi na tiba;

• Kutokwa na damu muda mrefu

• Kuvimba endelevu kwa maungio

• Kupumua kwa shida

• Kuishiwa pumzi

• Dalili za kiharusi kama kushindwa kuongea au kuwa dhaifu sehemu moja ya mwili

Namna ya kujikinga na damu nyingi

Endapo kisababishi ni polisaithemia vera, inaweza kuwa ngumu kujikinga, hata hivyo unaweza kutumia mbinu zifuatazo kujikinga na polisaithemia ya sekondari na kuthibiti polisaithemia vera;

• Pata matibabu ya magonjwa ya mapafu na moyo

• Acha kuvuta sigara

• Jiepushe kukaa muda mrefu kwenye maeneo yenye gesi ya cabonmonoksaidi kama machimboni, kwenye miji yenye magari mengi yanayotumia mafuta ya petrol au dizeli, gereji au kufanya kazi za kurekebisha eksozi ya gari

• Ishi maeneo karibu na usawa wa bahari

• Fanya uchunguzi wa vinasaba vya polisithimia vera kabla ya kuamua kupata mtoto

Wapi unaweza kupata taarifa zaidi kuhusu kuwa damu nyingi?

• Unaweza kupata taarifa ya kiwango cha damu mwilini kulingana na umri kwa kubofya hapa

• Pata taarifa zaidi kuhusu ugonjwa wa damu nyingi au polisaithemia vera kwa kubofya hapa

Wasiliana na daktari wako au daktari wa ULY CLINIC kwa ushauri zaidi kuhusu dalili na tiba kupitia linki ya 'Mawasiliano yetu' chini ya tovuti hii.

Rejea za mada hii;

1. Ayalew Tefferi, et al. Polycythemia vera treatment algorithm 2018. https://www.nature.com/articles/s41408-017-0042-7. Imechukuliwa 02.07.2021

2. Xiao Lu, et al. Polycythemia Vera. https://www.ncbi.nlm.nih.gov/books/NBK557660/. Imechukuliwa 02.07.2021

3. Anemia in chronic kidney disease. niddk.nih.gov/health-information/kidney-disease/chronic-kidney-disease-ckd/anemia. Imechukuliwa 02.07.2021

4. Barbui T, et al. Diagnostic impact of the 2016 revised WHO criteria for polycythemia vera. DOI: 10.1002/ajh.24684. Imechukuliwa 02.07.2021

5. Lung.org. Chronic obstructive pulmonary disease (COPD). lung.org/lung-health-and-diseases/lung-disease-lookup/copd/. Imechukuliwa 02.07.2021

6. Complete blood count (CBC). labtestsonline.org/tests/complete-blood-count-cbc

7. Hematocrit. labtestsonline.org/tests/hematocrit. Imechukuliwa 02.07.2021

8. Hemoglobin. labtestsonline.org/tests/hemoglobin. Imechukuliwa 02.07.2021

9. Hypothyroidism (underactive thyroid). niddk.nih.gov/health-information/endocrine-diseases/hypothyroidism. Imechukuliwa 02.07.2021

10. Mayo Clinic Staff. High hemoglobin count. mayoclinic.org/symptoms/high-hemoglobin-count/basics/causes/sym-20050862. Imechukuliwa 02.07.2021

11. Polycythemia vera in children. stanfordchildrens.org/en/topic/default?id=polycythemia-90-P02398. Imechukuliwa 02.07.2021

12. Maana ya Marrow. http://www.elimuyetu.co.tz/subjects/arts/eng-swa/m.html. Imechukuliwa 02.07.2021

13. Arber, D. A. et al. The2016 revision to the World Health Organization classification of myeloid neoplasms and acute leukemia. Blood 127, 2391–2405 (2016)

14. Marchioli, R. et al. Cardiovascular events and intensity of treatment in polycythemia vera. N. Engl. J. Med. 368, 22–33 (2013)

15. Landolfi, R. et al. Leukocytosis as a major thrombotic risk factor in patients with polycythemia vera. Blood 109, 2446–2452 (2007)

16. Chievitz, E. & Thiede, T. Complications and causes of death in polycythaemia vera. Acta Med. Scand. 172, 513–523 (1962)