Dawa ya PID ya hospitali

PID (Pelvic Inflammatory Disease) ugonjwa unaotokana na kutotibiwa vema kwa magonjwa ya zinaa hutibiwa kwa mchanganyiko wa antibiotiki ili kuangamiza bakteria wa magonjwa ya zinaa ambao ni Neisseria gonorrhoeae, Chlamydia trachomatis, na bakteria jamii ya anaerobik. Dawa hutolewa kulingana na ukali wa dalili na matibabu hugawanywa kwenye makundi mawili yaani matibabu ya wagonjwa wa nje ya hospitali au matibabu ya wagonjwa wa ndani ya hospitalini (wanaolazwa).

Kumbuka

kabla ya kutumia dawa yoyote, wasiliana na daktari wako kabla ya kutumia dawa yoyote kuepuka madhara na usugu wa vimelea kwenye dawa. ULY CLINIC haitahusika na madhara yoyote yatakayotokea endapo hutafuata ushauri wa daktari wako.

Dawa ya PID kwa Wagonjwa wa nje (Maambukizi ya wastani au madogo)

Dawa zifuatazo hutumika katika matibabu ya wagonjwa ambao hawatarajii kulazwa hospitali kwa sababu ya PID, dawa nyingi hutumika kwa njia ya kunywa isipokuwa ceftriaxon:

• Ceftriaxone

• Doxycycline

• Metronidazole

  
  

Matibabu mbadala ya dalili kali za PID

Cefoxitin 2g IM  na Probenecid 1g

Dawa za PID kwa wagonjwa wa kulazwa (Maambukizi makali)

Wagonjwa wa kulazwa hupewa dawa za kuchoma kwenye misuli au mishipa, miongoni mwa dawa hizo ni;

• Ceftriaxone

• Doxycycline na

• Metronidazole

Matibabu mbadala wakw kwa wagonjwa wenye mzio na dawa jamii ya  β-lactam ni

• Clindamycin na

• Gentamicin IV

Tahadhari za kutumia dawa ya PID ya hospitali

Wakati wa kutumia antibiotiki za kutibu Pelvic Inflammatory Disease (PID), ni muhimu kuzingatia tahadhari zifuatazo:

Maudhi ya dawa ya PID ya hospitali

Ceftriaxone

Inaweza kusababisha mzio, maumivu kwenye sehemu ya kuchoma sindano, kuhara, au mabadiliko ya ini.

Doxycycline

Inaweza kusababisha kichefuchefu, kuhara, kuongezeka kwa hisia ya ngozi kwenye mwanga wa jua, na uharibifu wa meno kwa wajawazito na watoto chini ya miaka 8.

Metronidazole

Inaweza kusababisha kichefuchefu, ladha mbaya mdomoni, na haipaswi kutumiwa na pombe kwani inaweza kusababisha madhara makali kama vile mwitikio wa disulfiram.

Gentamicin

Inaweza kusababisha kuferi ghafla kwa figo na upotevu wa kusikia.

Uwezekano wa Mzio na mzio mkali

Wagonjwa wenye mzio na dawa jamii ya penicillin au cephalosporins wanapaswa kuwa waangalifu wanapotumia Ceftriaxone au Cefoxitin. Dalili za mzio mkali ni pamoja na uvimbe kwenye uso, kushindwa kupumua, na mshtuko wa mwili.

Matumizi sahihi ya dawa ya PID ya Hospitali

Wakati unatumia dawa hizi ni muhimu kuzingatia mambo yafuatayo kwa matokeo mazuri ya matibabu na kuepuka madhara yanayoweza kujitokeza:

• Kuhakikisha mwenza wako anapata matibabu ili kuzuia maambukizi tena.

• Kuepuka kushiriki ngono hadi matibabu yatakapo kamilika.

• Kufuatilia maendeleo yako ili kuhakikisha kama dalili zinapungua.

• Tumia dawa zote kwa muda uliopendekezwa hata kama dalili zimepungua ili kuepuka usugu wa bakteria.

• Usimeze Doxycycline kbila chakula – kula chakula ili kupunguza maudhi ya tumbo.

• Epuka pombe wakati wa kutumia Metronidazole ili kuepuka maudhi makali ya dawa hii.

Rejea za mada hii:

1. Mediscape. Pelvic Inflammatory Disease Treatment & Management. https://emedicine.medscape.com/article/256448-treatment#:. Imechukuliwa 15.03.2025

2. Pelvic Inflammatory Disease CDC. (PID).https://www.cdc.gov/std/treatment-guidelines/pid.htm. Imechukuliwa 15.03.2025

3. ULY CLINIC. Ugonjwa wa PID. https://www.ulyclinic.com/magonjwa-na-saratani/ugonjwa-wa-pid. Imechukuliwa 15.03.2025