Kuwashwa pumbu

Ushauri muhimu kwa wanaowashwa pumbu

Kama una muwasho wa pumbu au ngozi ya korodoni na maeneo ya kinena, ni vema ukawasiliana na daktari ili akusaidie kufahamu shida yako inasababishwa na nini haswa baada ya kuulizwa maswali ya kitaalamu kisha kutapatiwa matibabu kulingana na shida yako.

Visababishi vya muwasho wa pumbu na kinena

Wengi wamekuwa wakidhani kuwa muwasho wa pumbu au ngozi ya korodani na maeneo ya kinena husababishwa na maambukizi ya fangasi tu, hii si sahihi kwa kuwa kuna sababu lukuki zinazoweza pelekea muwasho wa maeneo haya. Endapo una tatizo la muwasho, tafadhali wasiliana na daktari wako kwa uchunguzi.

Muwasho kwenye pumbu na kinena unaweza sababishwa na;

• Mzio (allergy)

• Pumu ya ngozi

• Chawa wa kwenye maeneo ya siri

• Chunjua kwenye pumbu

• Kisonono

• Maambukizi ya chlamydia

• Maambukizi ya kirusi cha herpes

• Maambukizi ya fangasi kwenye pumbu na kinena

• Misuguano ya pumbu kutokana na ukavu

• Ugonjwa wa skabi

• Ugonjwa wa trikomoniasis

Baadhi ya dawa za kuondoa muwasho lakini hazitibu kisababishi cha muwasho wa pumbu zimeorodheshwa hapa chini.

Dawa zenye uwezo wa kutuliza muwasho wa pumbu

• Krimu ya Hydrocortisone

• Diphenhydramine

• Benzocaine

• Capsaicin

• Triamcinolone

• Doxepin

• Fluoxetine

• Sertraline

Kumbuka dawa hizo huficha tu dalili ya muwasho lakini hazitibu kisababishi, isipokuwa endapo kisababishi ni magonjwa ya mzio.

Endapo unataka tiba ya tatizo lako itabidi uwasiliane na daktari kwa uchunguzi zaidi.

Matibabu ya nyumbani ya kuwashwa na pumbu au sehemu nyingine ya mwili

• Epuka kutumia vitu vinavyosababisha uwashwe. Jaribu kutambua vitu vinavyosababisha muwasho kwako kisha kuviacha.

• Fanya ngozi yako iwe na unyevu kwa kuogea sabuni au kupaka mafuta yanayoongeza unyevu kama muwashounasababishwa na ukavu wa ngozi

• Tumia sabuni za kuogea zenye zinki, selenium sulfide au ketoconazole kama unahisi una maambukizi ya fangasi

• Punguza msongo wa mawazo na msongo wa mwilini. Njia kama kupumzisha akili, kufanya mazoezi, kuwa na tafakuri ya kina, huweza kupunguza msongo wa mawazo kwa baadhi ya watu.

• Tumia dawa zisizohitaji cheti zinazozuia mzio kama dawa ya diphenhydramine na krimu ya hydrocortisone

• Zuia kujikuna ngozi yako, kama unajikuna ukiwa usingizini, kata kucha zako na ikiwezekana funika eneo lilalowasha ili kuzuia kujikuna kunakoweza pelekea majeraha na maambukizi kwenye eneo lilalowasha.

• Oga au safisha eneo linalowsha kwa kutumia maji ya uvuguvugu yenye magadi soda. Hii husaidia kupunguza muwasho wa pumbu

• Pata muda wa kupumzika na kulala. Hii hupunguza vihatarishi vya mwili wako kuwasha

Soma zaidi kuhusu visababishi vya muwasho wa ngozi baada ya kuoga na matibabu yake

Soma kuhusu fangasi kwenye pumbu na matibabu yake kwa kubofya maandishi ya kijani yaliyokolezwa

Kwa maswali zaidi unaweza kuuliza kupitia email au kupitia forum hii ya ULY CLINIC na utajibiwa na wataalamu wa afya wa ULY CLINIC

Rejea za mada hii

1. A Krishnan, et al. Scrotal Dermatitis - Can we Consider it as a Separate Entity?. https://www.ncbi.nlm.nih.gov/pmc/articles/PMC3769120/. Imechukuliwa 22.06.2021

2. U Wollina. Red scrotum syndrome https://www.ncbi.nlm.nih.gov/pmc/articles/PMC3184780/. Imechukuliwa 22.06.2021

3. American Family Physician. Pruritus. https://www.aafp.org/afp/2003/0915/p1135.html. Imechukuliwa 22.06.2021

4. Tinea cruris. Tanzania standard treatment guideline toleo la 2021

5. Healthline. Scrotal Eczema. https://www.healthline.com/health/scrotal-eczema. Imechukuliwa 22.06.2021