Ukimwi unaonekana baada ya muda gani?

Na huu niuhalifu huwezi kuwa na maambukizi ukaenda kumuambukiza kwa maksudi mwenzio

Nashauri kua waasirika wenye maambukizi kutambulika mana wanaasuri jamii sana kumaambukizo kwa wengine

Wakati gani unaweza kutambulika na maambukizi ya VVU kwa vipimo

Maswali yote yaliyoulizwa hapo juu, yanalenga kufahamu ni muda gani toka umepata maambukizi unaweza kutambulika kwa kipimo kuwa una virusi vya UKIMWI kwenye damu.

Hapo zamani ilikuwa inachukua muda wa siku 90 yaani miezi mitatu toka siku ya kupata maambukizi ili kuweza kutambua kwa vipimo uwepo wa virusi vya UKIMWI kwenye damu.

Kutokana na maendeleo ya sayansi ya utambuzi wa uwepo wa virusi vya UKIMWI kwenye damu, kwa sasa kuna vipimo vyenye uwezo wa kutambua uwepo wa virusi vya UKIMWI kwenye damu ndani ya muda mfupi zaidi, yaani chini ya masaa 24.

Ni vipimo gani hutambua uwepo wa virusi vya UKIMWI ndani ya masaa 24?

Mpaka sasa hakuna kipimo kilichogunduliwa chenye uwezo wa kutambua maambukizi ya virusi vya UKIMWI ndani ya masaa 24. Kipimo pekee kwa sasa chenye uwezo wa kutambua uwepo wa maambukizi ya VVU kwenye damu kwa muda mfupi zaidi kuanzia siku 9 na kuendelea huitwa DNA PCR. Kipimo hiki kwa nchi zinazoendelea hupatikana kwenye baadhi ya maeneo kama benk ya damu n.k. na kwa nchi zilizoendelea kinapatikana katika maeneo mengi ikiwa pamoja na hospitali. Ni dhahiri kuwa kufanya kipimo hiki kwa nchi zinazoendelea ni gharama kwa sababu ya uchache wa mashine za kufanya kipimo.

Je, vipi kuhusu vipimo vya zamani vya siku 90, kuna maboresho yoyote?

Vipimo vilivyokuwa vinachukua muda wa siku 90, vilikuwa vinatumia tekinolojia ya kupima antibodi zinazozalishwa na mwili kupambana na maambukizi ya VVU pamoja na antijeni ambazo zinatoka kwenye mwili wa kirusi. Ilikuwa inachukua siku 90 mwili kuwa na kiwango kikubwa cha antibodi kinachoweza kutambulika kwenye vipimo hivi. Kwa sasa vipimo hivyo vimeboreshwa na vina uwezo wa kutambua kiwango kidogo sana cha antibodi na antijeni za VVU kwenye damu ndani ya siku 18 hadi 45. Vipimo hivi vya antibodi na antijeni hupimwa bure kwenye vituo vya kutoa huduma za kwa watu wanaoishi na maambukizi ya VVU au CTC (VCT) na hopitali mbalimbali.

Nini maendeleo ya baadaye kwenye utambuzi wa VVU

Wanasanyansi wapo jikoni kuendelea kutafiti mwitikio wa mwili wa binadamu kwenye maradhi mbalimbali na namna gani yanaweza kutambuliwa mapema zaidi. Bila shaka mbeleni kutagunduliwa tekinolojia nyingine ya kuweza kutambua virusi vya UKIMWI kwa muda mfupi zaidi naamu hata siku moja au chini ya masaa 24. Hii inawezekana kwa sababu, mwili wa binadamu unapopata maambukizi, hutoa ishara mbalimbali mara moja kwenye mfumo wa kinga. Endapo kitagunduliwa kipimo cha kutambua ishara hizo, basi itakuwa mwangaza wa kuweza kugundua maambukizi ya VVU ndani ya masaa machache.

Kuendelea kusoma kuhusu vipimo vingine vya VVU bofya hapa

Kutazama video bofya linki inayofuata