Mijadala

Maswali ya msingi 1. Ni wakati gani mwanamke atabeba ujauzito baaada ya kutumia dawa ya Norethisterone? 2. Je ni wakati gani utabeba ujauzito baada ya kuacha kutumia norethindrone Majibu Kushika mimba baada ya kuacha Norethisterone Dawa Norethisterone ni homoni ya projestini inayotumika kwa hali na magonjwa mbalimbali, ikiwemo kuchelewesha hedhi, kutibu matatizo ya hedhi, na kama sehemu ya vidonge vya uzazi wa mpango. Ikiwa mwanamke ametumia Norethisterone kwa muda mfupi kama vile kwa kuchelewesha hedhi, uwezo wa kushika mimba unaweza kurejea haraka baada ya kuacha dawa. Muda wa kushika mimba baada ya kuacha Norethisterone Ikiwa ilitumiwa kwa kuchelewesha hedhi  Mzunguko wa hedhi kwa kawaida hurejea ndani ya siku chache baada ya kuacha kutumia dawa, hivyo uovuleshaji unaweza kutokea katika mzunguko unaofuata. Mwanamke anaweza kushika mimba hata ndani ya wiki chache baada ya kuacha kutumia dawa. Ikiwa ilitumiwa kwa matibabu ya muda mrefu Ikiwa mwanamke ametumia Norethisterone kwa muda mrefu mfano kama sehemu ya matibabu ya hedhi zisizo za kawaida, inaweza kuchukua muda mrefu zaidi kwa mwili kurejea kwenye mzunguko wa kawaida wa hedhi na uovuleshaji. Tafiti zinaonyesha inaweza kuchukua wastani wa wiki 12 hadi miezi 6 kushika ujauzito baada ya kuacha dawa huku wengine wakichukua hadi mwaka mzima kwa mzunguko wa hedhi kurudi katika hali yake ya kawaida na kushika. Jinsi ya kupima uwezekano wa kupata ujauzito Ikiwa mwanamke anayetaka kushika mimba baada ya kuacha kutumia Norethisterone, anaweza kutumia vipimo vya uovuleshaji ili kujua wakati wa siku za hatari. Ikiwa hedhi haijarudi ndani ya wiki 4-6 baada ya kuacha dawa, inapendekezwa kufanya kipimo cha ujauzito au kushauriana na daktari. Hitimisho Kwa wanawake wengi, uwezo wa kushika mimba hurudi haraka baada ya kuacha kutumia Norethisterone na wanaobakia, inaweza kuchukua hadi miezi 12. Hii ni kulingana na mwitikio wa mwili wa mtu, madhumuni ya kutumia dawa na sababu zingine za kiafya. Rejea za mada hii 1. Royal College of Obstetricians and Gynaecologists (RCOG). Norethisterone for the Delay of Menstruation. Available at: https://www.rcog.org.uk. Imechukuliwa 01.04.2025 2. National Library of Medicine (NLM), DailyMed. Norethisterone: Drug Information. Available at: https://dailymed.nlm.nih.gov/dailymed/drugInfo.cfm?setid=ccef4732-5307-7d4b-aa56-04aa6f2af5f9. Imechukuliwa 01.04.2025 3. Mayo Clinic. Norethindrone (Oral Route) – Description and Precautions. Available at: https://www.mayoclinic.org/drugs-supplements/norethindrone-oral-route/description/drg-20137986. Imechukuliwa 01.04.2025 4. British National Formulary (BNF). Progestogens: Norethisterone Uses and Side Effects. Available at: https://bnf.nice.org.uk/treatment-summary/progestogens.html. Imechukuliwa 01.04.2025 5. MedlinePlus. Norethindrone: Medications and Usage. Available at: https://medlineplus.gov/druginfo/meds/a604032.html 6. ULY Clinic. Matumizi ya Norethisterone na Athari Zake kwa Uzazi. Available at: https://www.ulyclinic.com/dawa/dawa-ya-norethisterone. Imechukuliwa 01.04.2025 7. ULY Clinic.Ninaweza kupata mimba nikitumia norethisterone kuzuia kuingia piriodi kwa muda. Inapatikana: https://www.ulyclinic.com/majibu-ya-maswali/ninaweza-kupata-mimba-nikitumia-norethisterone-kuzuia-kuingia-piriodi-kwa-muda%3F. Imechukuliwa 01.04.2025 8. Fotherby K, Yet al. Return of ovulation and fertility in women using norethisterone oenanthate. Contraception. 1984 May;29(5):447-55. doi: 10.1016/0010-7824(84)90018-0. PMID: 6744861.

Swali la msingi na 01 Habari doctor, Je, mtu anaweza kuishi na maambukiz ya HIV ndani ya miezi sita na kwenye kipimo asioneshe ana maambukizi? Majibu ya Kipimo cha HIV Majibu ya daktari ya swali na 01 Ikiwa mtu amepima baada ya miezi sita na hajashiriki ngono tena baada ya tukio la hatari, na bado hana maambukizi, basi kuna uwezekano mkubwa kwamba hana HIV. Kipindi cha dirisha la matazamio huwa kati ya wiki 2 hadi miezi 3 kwa vipimo vya kisasa, hivyo baada ya miezi sita, majibu ya vipimo vinapaswa kuwa sahihi na kuaminiwa. Ikiwa mtu alikuwa ameambukizwa, kipimo kingeonyesha matokeo chanya. Ikiwa bado una wasiwasi, unaweza kurudia kipimo. Swali kutoka kwa daktari na 01 Je, inamaanisha kuwa mtu huyu hajashiriki ngono bila kinga kwa miezi sita mfululizo pia? Majibu ya muulizaji ya swali la daktari na 01 Kashiriki pengine mwez wa pil akapat baadhi ya dalili ila amekaa miez sita anaenda kupima yupo negative akaakaa tena miezi 3 ni negative. Majibu ya Daktari kutokana na majibu ya muulizaji Kila mara mtu anaposhiriki ngono bila kinga, anapaswa kupima katika kipindi cha baada ya dilisha la matazamio. Kama ilivyoelezewa hapo awali, vipimo vya sasa vinachukua muda wa wiki 2 hadi miezi 3 kuonyesha majibu sahihi. Ikitegemea aina ya kipimo utakachotumia, unaweza kupima baada ya mwezi mmoja hadi miezi 3 tangu umeshiriki ngono mara ya mwisho. Mambo ya kuzingatia wakati unasubiri kupita kwa dilisha la matazamio Katika kipindi cha kusubiria majibu sahihi ya kipimo ili kufahamu kama kushiriki kwako mara ya mwisho kumepelekea maambukizi au la, unapaswa kutumia kinga, la sivyo hutapata majibu sahihi kwa kuwa kila unaposhiriki ngono bila kinga utapaswa kusubiria kipindi cha dilisha la matazamio kupita. Rejea za majadiliano haya: 1. ULY CLINIC. Window period. https://www.ulyclinic.com/vidokezo-vya-kiafya/window-period-ya-vipimo-vya-vvu. Imechukuliwa 31.03.2025

Swali la msingi Daktari habari, Usaa unatoka na uume unavimba, shida inaweza kuwa nini? Majibu Kutokwa na usaha na kuvimba kwa uume ni dalili inayoweza kuashiria maambukizi au hali nyingine za kiafya. Sababu zinazowezekana ni pamoja na: Visababishi vya uume kutoa usaha na kuvimba Kuna visababishi kadhaa vinavyoweza kupelekea uume kuvimba na kutoa usaha, baadhi yake ni; Magonjwa ya zinaa • Kisonono (Gono): Husababisha usaha mzito au kijani kutoka kwenye uumee, maumivu wakati wa kukojoa, na uwekundu. • Klamidia: Inaweza kusababisha usaha mwepesi, maumivu wakati wa kukojoa, na kuwashwa. • Trikomoniasis: Inaweza kusababisha usaha wa njano/kijani na harufu mbaya ya uozo. Maambukizi kwenye urethra (Urethritis) Maambukizi ya mrija wa urethra hupelekea uvimbe na hivyo kusababisha kupitisha kupitisha mkojo pamoja na shahawa kwa shida na maumivu. Maambukizi haya huweza kuambatana na na dalili zingine kama kukojoa mkojo mchafu au kutokwa na usaha. Balanaitiz (Uvimbaji wa govi la uume au kichwa cha uume) Husababishwa na usafi duni, maambukizi ya fangasi, bakteria, au mzio wa sabuni na kemikali. Paraphimosis Kwa wanaume wasiofanyiwa tohara, govi linaposhindwa kurudi katika hali yake ya kawaida, linaweza kusababisha uvimbe na maumivu makali. Maambukizi ya mfumo wa mkojo (UTI) Ingawa ni nadra kwa wanaume, maambukizi haya yanaweza kusababisha usaha, maumivu wakati wa kukojoa, na harufu mbaya ya mkojo. Mambo ya kufanya na kuzingatia unapokuwa na dalili ya kuvimba uume na kutoa usaha Usaha ni ishara ya maambukizi ambayo yanahitaji matibabu ya haraka, mara nyingi kwa dawa za antibayotiki hivyo unapaswa kumwona daktari haraka na kuzingatia mambo mengine kama • Kuepuka kujamiiana bila kinga  ili kuzuia kusambaza au kupata maambukizi mapya. • Kufanya usafi sehemu za siri kwa kuosha uume kwa maji safi kila siku na epuka sabuni zenye kemikali kali. • Kuepuka kutumia dawa bila ushauri wa daktari kwa kuwa baadhi ya maambukizi yanahitaji vipimo maalum ili kupata matibabu sahihi na kuepuka usugu wa vimelea kwenye dawa. Wakati gani wa kumwona daktari? Ni muhimu kumuona daktari haraka ukipata dalili hii ya suaha na kuvimba uume sambamba na dalili zingine kama; • Homa au baridi kali. • Uume umevimba sana na una maumivu makali. • Maumivu wakati wa kukojoa yanaongezeka. • Unapata vidonda au uvimbe usio wa kawaida. Rejea za mada hii 1. Centers for Disease Control and Prevention (CDC). (2023). Sexually Transmitted Infections Treatment Guidelines. Retrieved from https://www.cdc.gov/std/treatment-guidelines/default.htm 2. Mayo Clinic. (2023). Gonorrhea: Symptoms, Causes, and Treatment. Retrieved from https://www.mayoclinic.org/diseases-conditions/gonorrhea/symptoms-causes/syc-20351774 3. National Health Service (NHS). (2023). Chlamydia: Symptoms and Treatment. Retrieved from https://www.nhs.uk/conditions/chlamydia/ 4. Cleveland Clinic. (2023). Urethritis: Causes, Symptoms, and Treatment. Retrieved from https://my.clevelandclinic.org/health/diseases/21816-urethritis 5. Harvard Health Publishing. (2023). Balanitis: Causes and Prevention. Retrieved from https://www.health.harvard.edu/diseases-and-conditions/balanitis