Calcitonin

Utangulizi

Kalsitonini (Calcitonin) ni homoni inayozalishwa na seli C za tezi ya thairoidi, Homoni hii huwa na kazi kuu ya kuthibiti kiasi cha madini ya Calcium na phosphate kwenye damu na kusimamisha utendaji wa homoni ya parathairoidi.

Homoni ya kalsitonini hutumika kuthibiti kiasi cha wingi wa kalisiamu kwenye damu kwa njia kuu mbili;

• Huzuia shughuli za seli zinazohusika na uvunjwaji wa seli za mifupa (osteoklasti) ,hii ni kwa sababu seli hizi zinapovunjwa huachilia madini ya kalisiamu kwenye mkondo wa damu ,hivyo kuzuia kuvinjwa kwa seli za mifupa na homoni hii husababisha kuthibiti kiwango cha madini ya kalisiamu kwenye damu kwa muda mfupi.
• Huruhusu figo kupoteza madini ya kalisimu kwenye mkojo.

Uzalishaji wa Homoni ya kalsitonini hudhibitiwaje?

Uzalishaji wa homoni ya kalsitonini hutegemea kiasi cha madini ya kalisiamu kwenye damu

Kiwango cha madini haya kinapozidi kiwango cha kawaida kwenye damu, homoni ya Kalsitonini hutolewa kwa wingi

Kiasi cha madini ya kalisiamu kinapopungua kwenye damu, homoni ya kalsitonini nayo hupungua.

Hata hivyo uzalishaji wa homoni hii huweza kudhbitiwa na homoni ya utolewaji somatostatini ambayo pia hutolewa na seli C za tezi ya thairoidi

Kuzidi kwa homoni ya kalsitonini kwenye damu kunaweza kusababishwa na saratani yay a seli C za tezi ya thairoid

Kupungua kwa homoni ya Kalsitonini hakuambatani na madhara yeyote katika mwili, hii ni kutokana na wagonjwa waliofanyiwa upasuaji wa kuondolewa tezi ya thairoidi kutoonyesha dalili zozote za upungufu wa homoni hii.