Estrone

Utangulizi

Estrone ni homoni inayozalishwa na ovari ,ni moja ya homoni yenye umuhimu sana kwa mwanamke bada ya komahedhi. Estron ipo kwenye kundi la homoni za oestrogens ambazo zipo nne estrone (E1), estradiol (E2), estriol (E3), and estetrol (E4 ). Licha ya kuwa huzalishwa sana kwenye ovari, Estrone huzalishwa pia kwenye adipozi tishu zilizopo kwenye ngozi pamoja na tezi ya adreno.

Homoni ya estrone ina kazi chache zaidi kulinganisha na homoni ya Estradiol hata hivyo hutumika kama akiba mwilini ambapo huweza kubadilishwa na kuwa Estradiol mwilini pale inapohitajika.

Kuzidi kwa homoni ya Estrone;

• Huongezeka kwa mwanamke mwenye saratani ya matiti na kwa mwanaume ambaye yupo kwenye matibabu ya tezi dume.

• Wanawake wanene kupita kiasi pia hutoa kwa wingi Estrone kutokana na kuwa na tishu za adipose kwa wingi.

• Kuzalishwa kwa wingi kwa homoni hii huweza kuambatana na saratani za matiti na mlango wa ukuta wa uzazi

Upungufu wa homoni ya Estrone huweza kupelekea:

Upungufu wa homoni ya estrone hutokea sana kwenye kipindi cha komahedhi. Hii ni kwa sabbu ovari huwa haziwezi kuzalisha tena homoni hii. Dalili za upungufu huwa ni;

• Kuvunjika mifupa kwa urahisi kutokana na jeraha dogo tu
• Mwili kuchoka
• Kutokwa na jasho
• Kuhisi mwili kuwa wa moto kwa muda na kuacha , huanzia kwenye kichwa na kushuka kwenye shingo na kusambaa mwili mzima na hutokea kila baada ya masaa machache
• Kukosa hamu ya mapenzi
• Kuwa na hali ya huzuni

Kama una upungufu wa homoni hii unaweza kupewa dawa ya Estrogen mbadala ambayo hutumika kuthibiti dalili za komahedhi.

Pia mbadala huu huweza kupunguza hali ya mifupa kuvunjika kiurahisi na kuifanya kuwa imara wakati wa uzee na komahedhi.

Baadhi ya maudhi madomadogo ya dawa za etrogen ni pamoja na;

• Tumbo kujaa gesi
• Vipele kwenye matiti
• Maumivu ya kichwa
• Misuli ya miguu kukaza
• Kutokwa na damu kwenye uke na
• Kichefuchefu

Kula mboga za majani, matunda na mboga jamii ya kunde huweza kusaidia katika kuchochea kuzalishwa kwa homoni hii