Serotonin

Serotonin

Ni homoni inayofanya kazi nyingi sana mwili , homoni hii hujulikana kama homoni ya utulivu kwa sababu homoni hii huweza kuchochea mtu kuwa na utulivu.

Jina lake la kisayansi ni 5-hydroxytryptamine au 5-HT

Mambo muhimu kuhusu homoni ya serotonin

• Hufanya kazi kama homoni na kama mjumbe(nyurotransimita) wa taarifa
• Husafirisha ujumbe kati ya seli moja ya neva na nyingine
• Serotonin huzalishwa katika utumbo, ubongo, mfumo wa neva na chembechembe sahani za damu
• Serotonin hutengenezwa kwa mabadiliko ya kikemikali ambayo huunganisha protini ya tryptophan na tryptophan hydroxylase kwa ajili ya kuitengeneza

Kazi zake za serotonin

• Kama mjumbe, huweza kuunganisha taarifa kutoka mshipa wa neva moja hadi mwingine
• Huimarisha ufanyaji kazi mzuri wa mfumo wa umeng’enyaji wa chakula
• Huweza kuthibiti hali ya moyo wa mtu kama wasiwasi ,woga na utulivu
• Hutolewa na chembechembe sahani za damu kwa ajili ya kusaidia kugandisha damu kama jeraha limetokea.
• Husaidia mtu kujisikia kichefuchefu pale anapokula kitu cha sumu na utumbo hutoa kwa wingi serotonin na kumsababishia mtu hali hii kwa kuchochea sehemu ya ubongo ya kichefuchefu
• Huimarisha uwezo wa mtu kulala
• Huimarisha uwezo mzuri wa kumbukumbu

Dalili za mtu mwenye kiasi kidogo cha serotonin;

• Kupungukiwa kumbukumbu
• Hali ya moyo wa huzuni
• Kupenda vyakula vitamu au vya wanga
• Kushindwa kulala kirahisi
• Woga na hali ya wasiwasi

Kuwa na kiasi kidogo cha serotonin huweza kupelekea hali ya huzuni

Pia kiasi cha serotonin kikizidi kwenye damu huweza kupelekea mtu kukosa hamu ya tendo la ndoa

Watu wenye upungufu wa homoni hii huweza kupewa dawa za mbadala za kuongeza serotonin kwenye damu.

Dawa zifuatazo huzuia ufanyaji kazi wa homoni ya serotonin;

• Citalopram (Celexa)
• Escitalopram (Lexapro)
• Fluoxetine (Prozac)
• Paroxetine (Paxil, Pexeva)
• Sertraline (Zoloft)