Somatostatin

Utangulizi

Somatostatini ni homoni inayozalishwa karibia katika kila ogani ndani ya mwili, hata hivyo seli nyingi zinazozalisha homoni hii hupatikana kwenye mfumo wa gastrointestino na mfumo wa neva.

Kazi zinazofanywa na homoni hii ni kuzuia uzalsihwaji wa homoni zingine kama homoni ya ukuaji, homoni ya thairoidi stimuleting, homoni ya cholecystokinin na homoni ya Insulin pamoja na kupambana na uzalishaji wa seli usio wa kawaida kama seli za saratani.

Kukosekana kwa homoni hii huambatana na matatizo makubwa kwa kuwa udhibiti wa homoni nyingi tumboni huwa haufanyiki.

Homoni hii huwa na majina mengine pia mfano homoni pinzani ya homoni ya ukuaji- GHIH na Somatotropin release inhibitory hormone(SRIH)

Homoni ya somatostatin huzalishwa kwa wingi kwenye mfumo wa neva na gastrointestino. Mfumo wa gastrointestino huwa na seli zinazoitwa delta ambazo huhusika na uzalishaji wa homoni hii.

Kazi za homoni ya somatostatin

• Huratibu shughuli nyingi mwilini na kuzuia utolewaji wa homoni zingine
• Hufanya kazi kama nyurotransimita kwa kusafirisha habari kwenye mfumo wa neva
• Huzalishwa na tezi ya haipothalamus ili kuzuia tezi ya pituitari kuzalisha homoni ya ukuaji na thairoidi stimuleting
• Hutolewa na kongosho kwa ajili ya kuzui uzalishaji wa homoni ya insulin na glucagon
• Katika tumbo hutumika huzuia uzalishwaji wa homoni ya gastrin na secretin
• Hutumika kama dawa kwa ajili ya kuthibiti ukuaji kwa watu wanaokuwa isivyo kawaida kama wagonjwa wa Akromegali

Jinsi gani uzalishaji wa homoni hii huthibitiwa?

Kwa sababu hutumika kuzuia uzalishwaji wa homoni zingine, uzalishaji wake hutegemea kiwango cha homoni zingine kwenye damu.
Endapo homoni inahitajika, taarifa hutumwa kwa njia ya damu kwenda kwenye seli zinazotengeneza homoni hii ili zizalishe. Mara homoni ya Somatostatin na ikishamaliza kazi yake, uzalishwaji wake husimama.

Kuzidi kwa homoni ya Somatostatin;

Kuzidi kwa homoni ya somatostatin kwenye damu hutokea mara chache sana na inaweza kusababishwa na saratani ya seli zinazozalisha homoni hii. Saratani hiyo hufahamika kwa jina la Somatostatinoma.

Uzalishwaji kwa wingi wa homoni hii huweza kusababisha homoni zingine zisizalishwe kabisa na kufanya kazi yake. Madhara mbalimbali huweza kutokea kutokana na homoni iliyoathiriwa mfano kusimama uzalishaji wa homoni ya insulin hupelekea kupanda kwa kiwango cha sukari kwenye damu.

Kuzalishwa kwa wingi kwa pia kwa homoni Somatostatin huweza kupelekea mawe kwenye figo , kushindwa kuvumilia vyakula vya mafuta na kuharisha.

Kiwango kidogo cha homoni ya somatostatini

Huweza kupelekea matatizo mbalimbali kutokana na kutodhibitiwa kwa uzalishwaji wa homoni zingine. Hata hivyo ni idadi ndogo ya watu wameripotiwa kuwa na uzalishaji mdogo wa homoni hii.