Imeandikwa na ULY CLINIC

Kizunguzungu

Kizunguzungu ni nini?

Kizunguzungu ni hali ya kuhisi kama unazimia au kukosa kuhimili kusimama. Miongoni mwa watu wazima wenye umri wa miaka 60 asilimia ishirini yao wamewahi kupata kizunguzungu na kuathiri utendaji kazi wao.

Watu huelezea kizunguzungu kama;

Kichwa kuwa chepesi kama vile unataka kufa
Kukosa uwiano unapokuwa umesimama
Kuona kama unazunguka au vitu vilivyokuzunguka vinazunguka
Kuelea, kuogelea au kichwa kuwa kizito

Mambo gani muhimu kumweleza daktari wako kuhusu kizunguzungu?

Kizunguzungu mara nyingi hutokea kwa muda na hutoweka bila matibabu. Unapokuwa unaongea na daktari kuhusu dalili unazopata jitahidi kumwelezea nini kinachotokea na nini huamsha na hali hiyo inakaa kwa mda gani, hayo yatasaidia kumpa tetesi ni nini kinachosababisha.

Visababishi vya kizunguzungu

Visababishi vya kizunguzungu hutofautiana kutokana na dalili ambata. Huweza kusababishwa na homa ya mwendo-homa unayopata wakati upo kwenye mwendo ukiwa unasafiri kwenye gari ama ndege n.k

Au huweza kusababishwa na mvurugiko ndani ya sikio, maambukizi, ugonjwa wa moyo kukosa damu, madhara ya dawa, hofu iliyopitiliza au hali nyingine. Wakati mwingie kisababishi huwa hakijulikani.

Kizunguzungu, ikiwa pamoja na vertigo-kuhisi kelele masikoni, kama vikitokea bila dalili zingine huwa mara nyingi haziashirii dalili za kiharusi.

Baadhi ya visababishi vya kizunguzungu ni kama;

Matatizo ndani ya sikio

Shambulio la kizunguzungu pozi kipole (SKPKP)
Maambukizi ya ndani ya sikio
Kipanda uso
Kizunguzungu usiku kutokana na namna umelala
Tatizo la Meniere

Kupungua kwa damu kwenye sikio

Kutokana na kuganda/kuziba kwa mishipa ya damu
Magonjwa ya moyo ya kuzaliwa nayo
Mapigo ya moyo yasiyo na utaratibu
Shinikizo la damu kushuka chini unaposimama
Kiharusi
Kiharusi mpito(TIA)

Baadhi ya dawa zinazosababisha kizunguzungu

Matumizi ya dawa jamii ya antidiprizant
Matumizi ya dawa za kutibu degedege na kifafa
Matumizi ya dawa z a kushusha shinikizo la damu la juu
Matumizi ya dawa za kulegeza mwili
Matumizi ya dawa za kutuliza mizuka

Visababishi vingine vya kizunguzungu ni;

Upungufu wa damu
Jeraha kichwani
Tatizo la wasiwasi
Kupungua kwa sukari kwenye damu
Homa ya mwendo
Kushikwa na hofu, ama tatizo la maumivu

Soma zaidi kuhusu shambulio la kizunguzungu wakati wa kulala au kukaa au kusimama kwa kubofya hapa

Bofya kila kisababishi kusoma zaidi au kutafuta kwenye kiboksi juu ta tovuti hii kilichoandikwa 'Tafuta chocote hapa...'

ULY CLINIC inakushauri siku zote uwasiliane na daktari wako kabla ya kuchukua hatua yoyote ile baada ya kusoma makala hii.

Wasiliana na daktari wa ULY CLINIC kwa elimu na ushauri zaidi kupitia kitufe cha 'mawasiliano yetu' au bofya 'Pata tiba' chini ya tovuti hii.

Imeboreshwa, 17.06.2021

Rejea za mada hii;

MSD manual. Dizziness and Vertigo. https://www.msdmanuals.com/home/ear,-nose,-and-throat-disorders/symptoms-of-ear-disorders/dizziness-and-vertigo. Imechukuliwa 28.11.2020
American Academy of Otolaryngology. Dizziness and motion sickness. https://www.entnet.org//content/dizziness-and-motion-sickness. Imechukuliwa 28.11.2020
Flint PW, et al. Peripheral vestibular disorders. Cummings Otolaryngology. https://www.clinicalkey.com. Imechukuliwa 28.11.2020
Bope ET, et al. Dizziness and vertigo. In: Conn's Current Therapy 2018. Philadelphia, Pa.: Elsevier; 2018. https://www.clinicalkey.com. Imechukuliwa 28.11.2020
Branch WT, et al. Approach to the patient with dizziness. https://www.uptodate.com/contents/search. Imechukuliwa 28.11.2020
American Academy of Orthopaedic Surgeons. Heat injury and heat exhaustion. http://orthoinfo.aaos.org/topic.cfm?topic=A00319. Imechukuliwa 28.11.2020
Moskowitz HS, et al. Meniere disease. https://www.uptodate.com/contents/search. American Academy of Orthopaedic Surgeons.
National Institute of Neurological Disorders and Stroke. Migraine information page. https://www.ninds.nih.gov/Disorders/All-Disorders/Migraine-Information-Page. American Academy of Orthopaedic Surgeons.