Mafua ya aleji kwa jina jingine homa ya hay au rhinaitizi ni ugonjwa unaotokea sana kwa binadamu.

Mafua haya hutokea kutokana na michomo kwenye kuta za mfumo wa hewa haswa njia za pua. Ugonjwa huu huweza kuambatana na magonjwa mengine kama sinusaitizi sugu, pumu ya ngozi na kifua

Watu wanaopata tatizo hili sana ni wale wenye shida ya asthma/pumu, ezima na watu walio na historia ya asthma au rhinaitis kwenye familia zao

Umri wa tatizo la mafua ya aleji kuanza

Tatizo la mafua ya aleji linaweza kuanza muda wowote ule, hata hivyo watu huanza kupata dalili wakati wa utotoni na wanapoanza kukua watu wazima. Dalili mara nyingi huwa kali kwa watu wazima wenye umri kati ya miaka 30 hadi 50.

Nini husabaisha mafua ya aleji?

Kisababishi cha mafua ya aleji ni kuamshwa kwa seli za aleji kwenye njia ya hewa(puani), seli hizo zinazoitwa seli za mast na basophilis zikiamshwa huanza kutoa kemikali ya histamine ambayo husababisha michomo, kuvimba na kujaa kwa majimaji kwenye kuta za ndani ya pua hivyo kusababisha dalili za kushindwa kupumua, kuwashwa ndani ya pua, kupiga chafya na mafua kuchuruzika

Mafua ya aleji hutokea wakati gani?

Mafua ya aleji huweza kutokea kwenye msimu Fulani katika mwaka au kutokea muda wote katika mwaka.

Mafua ya msimu husababishwa na uchokozi wa poleni kutoka kwenye majani, miti au magugu wakati huo mafua ya aleji yanayotokea muda wowote huamshwa na viamsha aleji kama vumbi, vumbi la kinyesi cha wanyama, vumbi la miili ya mende na chawa, vumbi la wanyama na fangasi

Dalili za mafua ya aleji

• Kupiga chafya

• Kuchuruzika kwa mafua(rhinolea)

• Kuchuruzika kwa mafua nyuma ya koo

• Kuziba kwa pua

• Kuwashwa kwa pua

Dalili zingine za mafua ya aleji

• Kikohozi

• Uchovu wa mwili

• Kuwashwa kwenye koo/paa la mdomo na masikio

• Kuwshwa kwa macho, kutokwa na machozi na kuhisi macho kuungua

• Kutoa sauti kama ya farasi

• Kupumulia mdomo

• Macho kuwa mekundu

Vihatarishi vya kupata mafua ya aleji

Kuwa na historia kwenye familia ya tatizo la atopi (rhinaitis, pumu ya ngozi au kifua) ni;

Kuwa mwanaume

• Kuzaliwa kipindi cha kutoka kwa maua

• Kuishi na watu wanaovuta sigara kipindi cha mwaka wa kwanza baada ya kuzaliwa

• Kukaa kwenye maeneo yenye viasha aleji

• Kuwa na antijeni ya aleji ya IgE

Matibabu ya mafua ya aleji

Matibabu huhusisha kupunguza kukutana na viamsha aleji ambavo vimetajwa hapo juu pamoja na matumizi ya dawa za kupunguza aleji

Namna ya kudhibiti dalili za mafua ya aleji

Mafua ya aleji yanaweza kudhibitiwa kwa;

• Kuzuia kukutana na viamsha mafua ya aleji

• Kutumia maji kusafisha pua

• Kutumia dawa jamii ya antihistamine

• Kutumia dawa jamii ya glukokotikoidi

• Kutumia dawa za kuzibua pua kabla ya kuanza kutumia dawa za glukokotikoidi

• Kutumia dawa za kunjwa kwa ajili ya kuzibua pua kama pseudoephedrine au dawa zinazouzwa maduka ya dawa baridi jamii ya antihistamine

• Kujifukiza kwa mvuke wa maji ya moto yenye mchanganyiko wa majani au dawa asilia zinazosemekana kuzibua pua kama vile tangawizi n.k chukua tahadhar kuepuka kuungua mfumo wa hewa, wasiliana na daktari wako kabla ya kufanya hivi.