Je, kwenye dirisha la matazamio unaweza kuambukiza VVU?

Ndio, unaweza kumwambukiza mtu mwingine VVU ukiwa kwenye dirisha la matazamio haswa endapo upo kwenye kihatarishi kikubwa. Inafahamika kuwa, kwenye dirisha la matazamio, mtu anakuwa kwenye hatari kubwa ya kuambukiza wengine licha ya kutogundulika kuwa na maambukizi kwa kipimo.

Dirisha la matazamio ni muda kati ya siku ya kupata maambukizi mpaka kutambulika kwa kipimo cha damu. Muda huu hutotegemea aina ya kipimo, kuna baadhi ya kipimo hutambua maambukizi mapema zaidi kuliko kawaida.

Je, nini huongeza hatari ya ya kuambukiza wengine

Hatari kubwa ya kumwambukiza mwingine wakati upo kwenye dirisha la matazamio hutegemea aina ya kihatarishi cha maambukizi;

Kutumia dawa za kulevya kwa kuchangia sindano

Kati ya watu 100,000 unaweza kuambukiza watu 49.

Kujihusisha na mapenzi ya mwanaume kwa mwanaume

Kati ya watu 100,000/= unaweza kuambukiza watu 42.

Kuuza ngono

Kati ya watu 100,000, unaweza kuambukiza watu 27.

Kushiriki ngono ya hatari

Kati ya watu 100,000 unaweza kuambukiza watu 3.

Nini cha kufanya ili usiambukize wengine

Endapo unahisi upo kweye hatari ya kupata maambukizi kwa kujihusisha na kihatarishi chochote, unapaswa kutumia kinga kujilinda na kuwalinda wengine kupata maambukizi ya VVU.

Jifunze zaidi kuhusu maambukizi PEP na PrEP katika kuzuia maambukizi ya UKIMWI kabla au baada ya kujihatarisha katika makala huzika.