Je, kama nimejifungua mara 2 kwa upasuaji kuna uwezekano wa kujifungua kawaida kwa ujauzito unaofuata?

Majibu ya swali hili yanaweza kuwa ni ndio au hapana, hii ni kwasababu visababishi vya kujifungua kwa upasuaji huweza kujirudia au kutojirudia, au kuwa na visababishi vya lazima ambavyo ni lazima kujifungua kwa njia ya upasuaji kwa mara nyingine.

Ni wakati gani unaweza kujifungua kawaida baada ya kujifungua kwa upasuaji?

Unaweza kujifungua kawaida endapo;

• Umekaa miaka 2 au zaidi kabla ya kubeba ujauzito mwingine

• Sababu iliyopelekea kujifungua kwa upasuaji haijiruidii.

  Baadhi ya sababu hizo ni mtoto kuchoka, kutoka damu ukeni kabla ya uchungu, mtoto kulala vibaya nk.

Ni wakati gani hauwezi kujifungua kawaida baada ya kujifungua kwa upasuaji?

Hautaweza kujifungua kawaida endapo;

• Umejifungua kwa upasuaji mara 2 au zaidi kwani huongeza hatari ya kuchanika kwa kizazi

• kuchanwa kwenye sehemu ya kiwiliwili cha mji wa uzazi (mchano T’ na ‘J)’ kutoa mtoto au vimbe za fibroid kwenye sehemu hii ya kizazi

• Endapo kisabababishi cha upasuaji kwenye ujauzito uliopita kipo kwenye ujauzito huu

Kumbuka

• Wanawake waliowahi kujifungua kwa upasuaji mara 1 wanaweza kujifungua kawaida endapo visababishi vya upasuaji katika ujauzito uliopita havitajirudia, na baadhi yao huitaji upasuaji wa dharura ikiwa mwenendo wa leba si mzuri.

• Mara tu upatapo ujauzito unapaswa kuanza kliniki ya ujauzito.

• Usijaribu kujifungulia nyumbani au katika kituo ambacho hakina huduma za dharura za upasuaji.