Muwasho mkali kwenye maeneo ya siri ya mwanamke husababishwa na nini?

Swali la msingi

Habari daktari, mimi ni mwanamnke. Napata muwasho sehemu za siri sanaa mpaka nikijikuna natoka damu. shida nini?

Majibu

Pole sana kwa hali hiyo unayopitia. Muwasho mkali sehemu za siri unaosababisha kujikuna hadi kutoka damu unaweza kuwa dalili ya matatizo mbalimbali ya kiafya. Sababu kuu zinazoweza kusababisha hali hiyo ni:

1. Maambukizi ya fangasi ukeni

• Sababu ya kawaida kwa wanawake.

• Dalili:

  • Muwasho mkali ndani na nje ya uke.

  • Kutokwa na majimaji meupe mazito kama maziwa yaliyoganda.

  • Maumivu wakati wa kukojoa au kujamiana.

  • Ngozi ya sehemu za siri kuwa nyekundu na kulika.

2. Vajinosisi ya bakteria (maambukizi ya bakteria ukeni)

• Dalili zinaweza kuwa:

  • Harufu mbaya kama ya samaki baada ya ngono.

  • Kutokwa na majimaji ya kijivu au meupe.

  • Muwasho au kuungua sehemu za nje za uke.

3. Magonjwa ya zinaa

• Kama vile:

  • Trikomoniasis – inaambatana na muwasho, majimaji ya kijani au ya njano, na harufu.

  • Herpes ya sehemu za siri – husababisha malengelenge madogo yanayouma sana.

  • Klamidia/Gono – mara nyingine huambatana na maumivu ya tumbo la chini.

4. Msisimko/mzio wa ngozi

• Sabuni kali, pedi zenye kemikali au manukato, mafuta ya kupaka, au chupi za nailoni zinaweza kusababisha muwasho.

• Ngozi hukakamaa, kuvimba au kuwa nyekundu.

5. Kukauka kwa uke – hasa kwa wanawake waliokaribia au waliopo jwenye komahedhi

• Husababisha muwasho na maumivu.

• Uhusiano na mabadiliko ya homoni.

Viwango vya homoni

Mabadiliko ya homoni yanaweza kusababisha kuongezeka kwa muwasho, hasa baada ya ujauzito, wakati wa hedhi, au katika kipindi cha komahedhi

Tatizo la ngozi

Hali kama vile pumu ya ngozi au soriasis zinaweza kuathiri sehemu za siri, na kusababisha muwasho na damu kutokana na kuchubuka.

Jeraha kwenye ngozi

Majeraha yanayojeruhi ngozi kutokana na kusafisha, kujikuna, au wakati wa tendo la ndoa yanaweza kusababisha vidonda na kutoka na damu.

Saratani

Ingawa ni nadra, baadhi ya magonjwa ya saratani katika maeneo ya uzazi yanaweza kusababisha dalili kama muwasho na kutokwa na damu.

Nini cha kufanya sasa?

Muone daktari wa afya ya uzazi kwa uchunguzi na vipimo:

• Kipimo cha ute wa ukeni.

• Kipimo cha fangasi na bakteria ukeni.

• Kipimo cha magonjwa ya zinaa ikiwa inahitajika.

Epuka kutumia sabuni au dawa yoyote sehemu hizo bila ushauri wa daktari.

• Tumia maji ya uvuguvugu kusafisha, na usitumie vifaa vya kusugua.

• Vaa nguo za dani safi za pamba, epuka zinazobana sana.

• Usijikune – tumia kitambaa baridi kupunguza muwasho muda mfupi, au tembelea kituo cha afya upate mafuta ya krimu ya kupunguza muwasho kama itahitajika.