Mwanamke aliehalibikiwa ujauzito anaweza kupata ujauzito mwingine ndani ya miezi 6?

Ndio!

Hili ni moja ya swali wanawake wengi wanauliza kwa daktari.

Tafiti mpya zinaonyesha kuwa hakuna faida ya kusubiria muda upite baada ya mimba kutoka ndio ubebe ujauzuti mwingine.

Wanawake waliopata tatizo la mimba kutoka endapo watapata mimba nyingine mapema iwezekanavyo, ujauzito huo huwa na matokeo mazuri kutokuwa na hatari ya kupata madhara ya ujauzito huo ukilinganisha na wanawake waliosubiria mpaka baada ya miezi sita kupita.

Kwa wanawake ambao ujauzito umetoka na wanatamani kupata ujauzito, wanaweza kupata ujauzito mwingine mapema na wanapaswa kupewa moyo kuwa ujauzito unaweza kuwa na matokeo mazuri hivyo kutokuwa na wasiwasi. Hata hivyo wanapaswa kupata ujauzito pale wanapokuwa tayari kimwili na kiakili

Ni haraka kiasi gani ubebe mimba?

Haifahamiki ni kwa haraka kiasi gani unapaswa kubeba ujauzuito baada ya ujauzito mwingine kutoka, mashirika mbalimbali ya afya yanashauri muda tofauti tofauti mfano Shirika la afya duniani linashauri kusubiria angalau miezi 6 kupita na wengine wanashauri muda wa miezi 18 kupita.

Taarifa mpya za tafiti zinaonyesha muda gani mzuri?

Tafiti mpya zinaonyesha kuwa wanawake waliopata mimba chini ya miezi 3 baada ya ujauzito kutoka walipata matokeo mazuri na hatari kidogo ya madhara kwenye ujauzito kuliko waliosubiria muda wa mitatu au zaidi. Unaweza kupata ujauzito katika kipindi chochote unapokuwa tayari baada ya ujauzito kutoka lakini kusiwe na sababu ya hatari kama vile maambukizi kwenye mfuko wa kizazi.

Madhara ya kusubiria kwa muda mrefu

Wanawake waliosubiria kwa muda wa miaka miwili au zaidi walipata madhara ya;

• Mimba kutungwa nje ya mfuko wa kizazi

• Mimba kutoka

• Kujifungua kwa upasuaji

• Kujifungua njiti

• Kujifungua mtoto kabla ya wakati

Wanawake gani wanapaswa kusubiria kwa muda mrefu zaidi kabla ya kupata ujauzito mwingine?

Wanawake wanaopaswa kusubiria kwa muda mrefu zaidi kabla ya kupata ujauzito mwingine ni wale wenye dalili ya maambukizi, wanapswa kupata matibabu kabla ya kupata ujauzito ili kupunguza hatari ya mimba kutoka.