Imeandikwa na ULY CLINIC

Maswali na majibu 1,000

Majibu ya kitaalamu ya maswali 1000 ya kiafya yaliyoulizwa kwa daktari wa ULY CLINIC

Karibu katika kurasa huu, katika kurasa hii utasoma kiundani kuhusu majibu ya maswali 100 yaliyoulizwa kwa daktari wa ULY CLINIC

1. Dalili za UTI

Katika makala hii, UTI linatumika kama neno tiba linalomaanisha Urinary tract Infection. Haya ni maambukizi yanayotokea katika mfumo wa mkojo.

Mfumo wa mkojo umegawanyika katika sehemu kuu mbili, mfumo wa chini ya mfumo wa juu.

Dalili za UTI katika mfumo wa juu wa mkojo huwa ni

Maumivu chini kidogo ya mbavu na upande wa kushoto na au kulia
Homa kali
Kukojoa damu au mkojo mchafu
Kutetemeka mwili
Kichefuchefu na kutapika

Dalili za UTI katika mfumo wa chini wa mkojo ni pamoja;

Kuungua wakati wa kukojoa
Kukojoa mara kwa mara bila kupitisha mkojo wa kutosha
Kuongezeka hamu ya kukojoa
Kukojoa damu
Mkojo kuwa na ukungu
Mkojo kuwa na rangi ya kokakola
Kukojoa mkojo wenye harufu mbaya
Maumivu ndani ya via za nyonga kwa wanawake
Maumivu ndani ya kifuko cha kinyesi kwa wanaume

Soma zaidi kuhusu maambukizi ya UTI, dalili za UTI, dawa za kutibu UTI.

2. Makundi ya vyakula

Kuna aina tano za makundi ya vyakula, aina hizi 5 za makundi ya vyakula humwongoza mtu kupata afya njema ya mwili na kiakili pia. Makundi hayo ni;

Matunda
Mboga mboga
Wanga
Protini
Maziwa

3. Kuuma kwa chuchu ni dalili ya mimba?

Maumivu ya chuchu/titi ni moja kati ya dalili za mapema za ujauzito, huweza kutokea wiki la kwanza au la pili toka umepata ujauzito. Hata hivyo si kila maumivu ya chuchu husabaishwa na ujauzito. . Sababu zingine zinazoweza kupelekea maumivu ya chuchu ni maambukizi ya titi wakati wa ujauzito au baada ya kujifungua, komahedhi, na maumbile ya titi.

Soma zaidi kuhusu maumivu ya chuchu

4. Dawa ya kuzuia kutapika

Yapo makundi mbalimbali ya dawa zinazozuia kutapika, baadhi ya dawa zinazozuia kutapika ni;

Promethazine (phenergan)
Prochlorperazine(compazine)
Metoclopramide(reglan)
Diphenhydramine

Soma zaidi kuhusu Dawa za kuzuia kutapika

5. Kifua kubana

Kifua kubana ni dalili kuu inayomaanisha kutumika sana kwa misuli au majeraha kwenye misuli, asilimia 20 hadi 49 ya kisababishi cha kifua kubana huletwa na matatizo ya isuli ya kifua. Haya huweza kutokea kwa sababu ya kuitumikisha misuli, uchovu mkuuu wa mwili au kuitumia misuli ndivyo sivyo. Kutumika sana kwa misuli ya kifua huleta dalili za kifua kubana. Sababu zingine zinazoweza kuchangia kifua kubana ni pamoja na;

Maambukizi ya COVID 19
Nimonia
GERD
Madhaifu ya Ang'zayati
Pumu ya kifua
Vidonga vya tumbo
Henia ya hayatazi
Kuvunjika kwa mbavu
Maambukizi ya herpes zosta kwenye ngozi(shingoz)
Mawe kwenye kifuko cha nyongo
Pankriataitizi
Shinikizo la juu la damu kwenye mapafu
Magonjwa ya mishipa ya damu ya moyo
Kostokondraitizi
Madhaifu ya mojongeo ya misuli ya esofagasi
Kuchanika kwa esofagasi

Soma zaidi kuhusu makala hii bonyeza maumivu ya kifua, kifua kuuma. maumivu ya kifua kutokana na moyo

6. Kukojoa mara kwa mara

Kukojoa mara kwa mara ni dalili inayoweza kusabbishwa na sababu zilizo za kawaida au magonjwa. Daktari wako atakuuliza kuhusu ni wakati gani unakojoa sana, wakati wa mchana, usiku au wakati wote. Majibu yako yatamsaidia kujua sababu halisi. dalili zinazoweza kuambatana na dalili hii huwa pamoja na maumivu wakati wa kukojoa, kuhisi kubakisha mkojo unapomaliza kukojoa, kuhisi kuungua wakati wa kukojoa, kubadilika kwa rangi ya mkojo, kushindwa kudhibiti mkojo kutoka. Kila dalili humaanisha tatizo fulani. Onana na daktari wako umwelezee ili ajue tatizo lako ni nini

Sababu zinazopelekea kukojoa mara kwa mara ni kama vile;

Henia ya kibofu cha mkojo(sistosili)
Madhaifu ya ang'zayati
Kuvimba kwa tezi dume
Mawe kwenye kibofu cha mkojo
Kisukari cha maji
Kisukari aina ya kwanza na pili
Kutumia dawa za kupunguza maji kama diuretics
Maambukizi ya UTI
Maambukizi kwenye figo
Kufanya kazi kusiko kawaida kwa kibofu cha mkojo
Ujauzito
Maambukizi kwenye tezi dume
Maambukizi ukeni
Makovu ndani ya mrija wa urethra

Soma zaidi makala hii kwa kubonyeza "kukojoa mara kwa mara"

7. Dalili za upungufu wa damu

Upungufu wa damu hutokea pale unapokosa kiwango cha kutosha cha chembe nyekundu za damu. Kwa jina jingine, dalili hii hufahamika kama anemia. Baadhi ya dalili kuu zinazoambatana na upungufu wa damu ni;