ULY CLINIC| Maumivu ya kifua kuokana na matatizo ya Moyo

Imeandikwa na daktari wa ULY-Clinic

Maumivu ya kifua kutokana na magonjwa ya moyo.

Kuna matatizo mbalimbali ya moyo yanayoweza kusababisha maumivu ya kifua , ambayo ni shambulio la ghafla la moyo(mshiko wa moyo), kufa kwa chembe hai za moyo na kuziba kwa mishipa inayolisha moyo.

Dalili

Maumivu makali ya kifua huwa ya kufululiza bila kuacha kwa muda wa dakika 30 au zaidi, maumivu yanaweza kuwa ya kubana,kugandamiza au kuchoma maumivu haya husambaa kuelekea kwenye shingo, mkono na bega la kushoto

Dalili zingine ni hali ya

Kuchoka
Kichwa kuuma ,
Kukohoa,
Kichefuchefu na
Kutapika.

Visabbishi

Kuna mambo au tabia ambazo zinaweza sababisha matatizo ya moyo, nayo ni

Uvutaji sigara
Kutofanya mazoezi.
Uzito mkubwa (BMI>30).
Lehemu nyingi kwenye damu - (High chorestrol).
Kisukari
Shinikizo la damu la juu(presha)

Vipimo na Ugunduzi wa tatizo

Tatizo linaweza gundulika kwa dalili kwa asilimia kubwa na kufanya vipimo

Vipimo hivi huwa na lengo la kutazama utendaji kazi wa moyo na tabia au ukubwa wa moyo

Vipimo hivyo ni kama kipimo kinachoangalia tabia ya mawimbi umeme ya moyo - ECG
Picha ya mionzi ya X ray ya kifua
Na ultrasound ya moyo-Echocardiogram.

Vizuizi vya tatizo:

Tatizo la moyo linaweza kupungua kwa kuboresha maisha yako, inashauriwa kuacha kuvuta sigara, pia fanya maozezi ya mwili, kula mlo kamili na kupunguza kula vyakula vyenye mafuta mengi ya wanyama.

Madhara

Matatizo ya moyo hasa shambulio la moyo huweza sababisha seli za moyo kufa hivyo kuleta madhara yafuatayo;

Mapigo ya moyo yasiyo na utaratibu,
Moyo kushindwa kufanya kazi
Maambukizi ya kuta za moyo na
Kiarusi

Soma zaidi sababu zingine zinazoweza kusababisha maumivu ya kifua kwa kubonyeza hapa

Bonyeza kusoma makala zingine kuhusu; maumivu ya katikati ya kifua, maumivu ya kifua kwa ujumla, kifua kubana na kuwaka moto

ULY CLINIC inakushauri siku zote uwasiliane na daktari wako kwa uchunguzi zaidi na tiba kabla ya kuchukua hatua yoyote ile inayodhuru afya yako.

Wasiliana na daktari wa ULY Clinic kwa elimu na ushauri zaidi kwa kubonyeza hapa"Pata Tiba" au kwa kupiga namba za simu chini ya tovuti yetu

Rejea za mada hii

Maswali na majibu kutoka kwa daktari wa ULY CLINIC
ULY CLINIC. MAumivu ya kifua. https://www.ulyclinic.com/dalili-za-ugonjwa/Maumivu-ya-kifua%2C-kifua-kubana%2C-kifua-kuwa-kizito. Imechukuliwa 19.06.2020