Kuimarisha sakafu ya nyonga

Nyonga ni nini?

Nyonga ni sehemu ya mwili inayopatikana maeneo ya chini ya chini kidogo ya kiuno kwa juu na upande wa chini ni eneo ambalo limeshikanishwa na sakafu inayobena njia ya haja kubwa, uke/uume.

Mifupa ya nyonga

Nyonga imeundwa na mifupa miwili mikuu inayoitwa pelvis (angalia picha namba moja). Mifupa hii imefunikwa kwa misuli chini na pembeni kama ilivyo kwenye picha namba 2.

Ukuta wa chini uliofanywa na misuli hushika vilivyomo ndani ya nyonga ikiwa pamoja na via vya uzazi, mfuko wa uzazi, uke , mfumo wa mkojo na njia ya haja kubwa pia imejishikiza katika misuli ya nyonga. Misuli ya sakafu ya nyonga yenyewe kama inavyoonekana katika picha namba mbili inaonekana imeshika uke, njia ya haja kubwa, njia ya mkono, na mfuko wa uzazi. Hata hivyo kuna ogani nyingi ambazo zimeshikwa na ukuta wa sakafu ya nyonga.

Athari za ujauzito kwenye misuli ya sakafu ya nyonga

Wakati wa ujauzito, uzito mkubwa wa mtoto hufanya misuli ya sakafu ya nyonga ilegee na hivyo ni vema kufanya mazoezi ili kuiimarisha na kukufanya ujifungue kirahisi zaidi na ubaki kuwa na misuli imara. Kufanya mazoezi haya hutumiwa sana kwa ajili ya kuimarisha uke, kuzuia mkojo kutoka bila ruhusa baada ya kujifungua na kufanya uke ujirudie kwenye hali ya zamani baada ya kujifungua.

Mjamzito afanye nini ili kuimarisha misuli ya sakafu ya nyonga?

Ili kimarisha misuli ya nyonga unaweza kufanya mazoezi mbalimbali

Zoezi la kwanza kaa kama kwenye picha namba nne;

Tulia na kisha waza kuhusu kubana mkojo kutoka,

Bana pia kama unazuia haja kubwa kutoka

Rudia zoezi hili mara nyingi uwezavyo kwa kubadilisha aina ya zoezi la kuzuia mkojo au kuzuia haja kubwa kutoka

Unaweza kufanya zoezi hili pia vizuri kwa kuzuia mkojo kutoka wakati unakojoa, unaweza kuzuia mara kazaa pale unapokuwa unaenda haja ndogo. Zuia na kuachia mkojo mara nyingi uwezavyo unapokuwa unakojoa.

Ni muhimu kuwa makini na zoezi hili kwa sababu mtoto huwa amekaa kwenye sakafu ya nyonga. Utatakiwa kulegeza nyonga yako ili kufanya mtoto atoke kirahisi wakati wa kujifungua. Kulegeza nyonga yako wakati wa kujifungu akutakuzuia kupata michaniko ya kwenye sakafu ya nyonga wakati wa kujifungua.

Je unaweza kufanya mazoezi mengine na zoezi la kuimarisha sakafu ya nyonga?

Ndio, kwa ufanisi zaidi fanya zoezi hili pia kwa kufanya mazoezi mengine kama kwenye picha namba 3, na picha namba tatu. Pia unaweza kusoma zaidi kuhusu mazoezi ya kuimarisha misuli ya sakafu ya nyonga kwa kusoma mazoezi ya Kegeli yaliyo kwenye tovuti hii.