Pozi sahihi wakati wa ujauzito 1

Moja ya kitu muhimu katika afya ya ujauzito ni kukaa pozi sahihi. Kukaa pozi sahihi husaidia kupunguza maumivu ya shingo na nyuma ya mgongo na kuondoa uchovu wa kupitiliza. Hata hivyo wakati wa ujauzito mabadiliko ya kifiziolojia mwilini hutokea na huchangia mwili wa mama usikae katika mpangilio mzuri.

Maelezo katika sehemu hii yatakusaidia kukaa katika pozi la kiafya kipindi chote cha ujauzito, wakati wa kukaa, kulala na kusimama. Ukiwa na pozi sahihi, mwanao tumboni anakuwa kwenye pozi la utulivu na kujihisi vizuri pia husaidia kichwa cha mtoto kiingie vema kwenye tundu la uzazi na ujifungue kwa wepesi. Hii hupelekea mama kufurahia kipindi cha ujauzito na kupata matokeo mazuri ya mimba.

Madhara ya ujauzito kwenye mhimiri wa mwili

Pozi la mhimiri wa mwili hubadilika kutokana na ujauzito, hii ni jambo la asilia na ni kwa sababu misuli ya tumbo hutanuka jinsi mtoto anavyokuwa. Misuli ya tumbo kipindi hiki hushindwa kusinyaa vema ili kuleta mpangilio mzuri wa mgongo. Ili kupinga upinde mkubwa unaotokea nyuma ya mgongo katika kipindi hiki, ni vema ukatembea ukiwa umenyooka ili kwamba masikio, mabega, mgongo na nyonya viwe kwenye mpangilio asilia.

Namna ya kuhimarisha muhimili wa mwili

Ili kuweza kuhimirisha muhimiri wa mwili wako wakati umesimama, vitu vifuatavyo vinaweza kuwa muhimu

• Hakikisha nyonga yako imekaa pozi sahihi muda wote, hii itasaidia kupinguza upinde wa mgongo wa chini

• Kaza misuli ya tumbo na makalio ili ifanye kazi asilia ya kuimarisha mgongo

• Ingiza ndani kidevu chako, yaani kielekee karibu na kifua na masikio yako yawe kwenye msitari mnyoofu na mabega

• Zuia kuvaa viatu vyenye visigino virefu, viatu hivi husababisha uzito wako uelekee zaidi mbele ya mwili. Vaa viatu vyenye visigino vifupi na vinavyokupa uhuru

• Unapofanya kazi yoyote wakati umesimama kwa kipindi kirefu kama vile kupiga pasi, kuosha vyombo, hakikisha umeweka mguu mmoja juu ya stool au jiwe au kiti kifupi, au kaa kwenye stuli ndefu, hii itazuia mgongo wako kupindia mbele.

• Usikunje nne kama kwenye picha namba 3 unapokuwa umekaa kwenye kiti au kukunja miguu yako, hii itasaidia damu kupita vema

• Ukiwa umekaa kaa kama inavyoonekana kwenye picha namba 4 kwa kuweka miguu chini ya stuli fupi

Mambo ya kutofanya ili kutoharibu muhimili wa mwili wako

Zuia kuupa upinde mgongo wako na pozi lolote lile la kujikuunjia mbele. Simama wima na legeza mabega yako, fanya hivi kwa namna yoyote ile na unapotembea tembea ukiwa unapishanisha mikono yako mmoja baada ya mwingine.